11:35, 20 Наурыз 2020 | GMT +6
Ресейде COVID-19 коронавирус инфекциясына қарсы екпе сынақтан өткізіліп жатыр
МӘСКЕУ. ТАСС - ҚазАқпарат – Ресейдің Тұтынушылар құқығын қорғау саласын қадағалау федеральдық қызметі (Роспотребнадзор) жаңа коронавирусқа қарсы екпені сынақтан өткізіп жатыр, деп хабарлайды ҚазАқпарат ТАСС агенттігіне сілтеме жасап.
«Ресейде COVID-19 эпидемиясын бақылау және алдын алу үшін Роспотребнадзор қысқа уақыт ішінде алты түрлі технологиялық платформаға негізделген вакцина прототипін жасап шығарды», - делінген ведомствоның хабарламасында.
Ведомствоның мәліметінше, сарапшылар екпені кең пайдаланылатын тұмаудың рекомбинанттық вирус векторы негізінде жасаған.
«Жаңа екпені жасап шығару кезінде заманауи биологияда in vivo жүйесінде – сезімтал зертханалық жануарларға зерттеу жүргізу қажет», - деп түсіндірді Роспотребнадзор.