+7 (701) 759 90 19
USD 414.77 EUR 506.81
RUB 5.64 CNY 64.32
Jańalyqtar

Самат Нұртаза: Сайлау бюллетеньдеріне «бәріне қарсымын» жазуы енгізілуі – демократияның төрі

2021 жылғы 15 қаңтар 13:04
Бөлісіңіз:
Самат Нұртаза: Сайлау бюллетеньдеріне «бәріне қарсымын» жазуы енгізілуі – демократияның төрі

НҰР-СҰЛТАН. ҚазАқпарат - Сайлау бюллетендеріне «бәріне қарсымын» деген жазудың енгізілуі – демократияның нағыз төрі десе болады, себебі көптеген мемлекетте мұндай пункт жоқ. Бүгін ҚР Президенті Қасым-Жомарт Тоқаевтың VII шақырылымындағы Парламент сессиясында сөйлеген сөзіне қатысты саясаттанушы Нұртаза Самат осындай пікір білдірді, деп хабарлайды ҚазАқпарат тілшісі.

«Мемлекет басшысының айтқан сөзіне қатысты екі мәселе көңілімнен шықты. Оның біріншісі, Президенттің «Саяси партиялардың Мәжіліске өту шегін 7%-дан 5%-ға төмендетуіміз керек. Осындай шешімді қабылдайтын уақыт келді, өйткені аталған норма заң жүзінде тіркелген партияларды алдағы сайлауларға қатысуға ынталандырады» деп айтуы. Менің ойымша, бұл – демократияның жемісі. Мұндай шешім Қазақстанның саяси аренасында жаңа партиялардың пайда болуына, қоғамда либерализм мен демократияның пайда болуына себепкер болады. Бұл – бірінші мәселе», - дейді саясаттанушы Самат Нұртаза.

Ол Мемлекет басшысы көтерген мәселелер ішіндегі көңілінен шыққан тағы бір мәселеге тоқталып өтті.

«Екіншіден, Мемлекет басшысы «Біздің басты мақсатымыздың бірі – адам құқықтарын толық қорғау. Бұл ретте, азаматтардың таңдау еркіндігін барынша қамтамасыз ету өте маңызды. Әлемдік тәжірибеде адамның қандай да бір сайлауға келіспейтінін немесе үміткерлердің бәріне қарсы екенін заңды түрде білдіру құқығы кеңінен қалыптасқан. Шын мәнінде, баламалы пікір және бәріне қарсы дауыс беру ұғымы біз үшін де қалыпты нәрсе болуға тиіс. Сондықтан, барлық деңгейдегі сайлау бюллетендеріне «бәріне қарсымын» деген жазу енгізген жөн. Бұл бастама азаматтардың сайлау құқығын қорғауға жағдай жасайды» деді. Бұл – демократияның нағыз төрі десе болады, себебі көптеген мемлекетте мұндай пункт жоқ. Яғни, не сайлауда әлдебір кандидатты таңдайсың немесе бюллетеньді құртасың. Барлық деңгейдегі сайлау бюллетеньдеріне «бәріне қарсымын» деген жазудың енгізілуі – мемлекет өзіне қанша адам қарсы екенін анықтап, өз қателігі бойынша жұмыс істеуге мүмкіндік беретін өте дұрыс шешім. Осы пунктің бар болуы Қазақстан Республикасын барлық демократия мемлекет арасындағы беделін жоғарылатыны сөзсіз», - дейді ол.


Біздің каналымызға жазылыңыз:

Бөлісіңіз:

Автор:

Зарина Қаһарман

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT