+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Семей тұрғындары қоқыс полигонынан шыққан өрт түтініне тұншығуда

2021 жылғы 20 қыркүйек 14:45
Бөлісіңіз:
Семей тұрғындары қоқыс полигонынан шыққан өрт түтініне тұншығуда

СЕМЕЙ. ҚазАқпарат – Семей қаласының тұрғындары қоқыс полигонындағы өрттің қою түтініне тұншығып жатқандықтарын айтып, дабыл қағуда, деп хабарлайды ҚазАқпарат тілшісі.

Ұқсас жаңалықтар
Семейде биыл табысы артқан 400 отбасыға АӘК төлеу тоқтатылды Күршім өзенінің ластануының жаңа фактілері анықталды Елордада ауа сапасы нашарлайды

Соңғы күндері Семей халқы әлеуметтік желілерде қоқыс полигонындағы өрттің салдарынан дем алу мүмкін еместігін айтып шағымдануда. Осы мәселеге орай ҚазАқпарат тілшісі қалалық ТҮКШ бөлімінің басшысы Амантай Өтелбаевқа хабарласқан еді.

«Бұл қоқыс полигоны жергілікті жеке кәсіпкерлердің біріне тиесілі. Ол өзінің қоршалған аумағында қоқыс үйінділерін өртейді. Алайда бұл қала экологиясына елеулі зиянын тигізіп жатыр. Сол маңдағы жер үйлерде тұратын азаматтар бұған наразылықтарын білдіруде. Балалар қара түтінді жұтпас үшін сыртқа шығып ойнаудан қалды. Ауаның бұзылғандығын айтқан жұрт өз денсаулықтары үшін алаңдайды. Ал полигон иесі болса ешқандай шара қолданбай келеді», - деді ол.

Оның айтуынша, арнайы комиссия құрылып, полигонға толыққанды тексеру жұмыстары жүргізілмек.

«Жеке кәсіпкер кемшіліктерді жойып, талапқа сәйкес жұмыс істемесе онымен келісімшарт бұзылады. Тексеру аяқталған соң облыстық Экология департаменті мен табиғат қорғау полициясы полигон иесіне қатысты тиісті шара қолданады. Қазіргі уақытта біз жаңа полигонның жобасын да әзірлеп қойдық. Онда қоқыс өңделіп, заң талаптары толықтай сақталатын болады», - деді Амантай Өтелбаев.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT