Семейде құтқарушылар өртенген үйден 3 газ баллонын шығарып үлгерді

ӨСКЕМЕН. ҚазАқпарат – Семей қаласында құтқарушылар өртенген үйден 3 газ баллонын сыртқа шығарып үлгерді, деп хабарлайды ҚазАқпарат тілшісі.

Ұқсас жаңалықтар

Алматыда жыл басынан бері 150-ге жуық өрт тіркелген

СҚО-да үйде жалғыз қалған 6 жасар бала өрттен көз жұмды Биыл елорда аумағында 165 өрт болды Алматыда полиция қызметкері қараусыз қалған құрылыс нысанынан құлап кетті

ШҚО Төтенше жағдайлар департаменті баспасөз қызметінің мәліметіне сүйенсек, 27 қаңтарда Силикатный кентіндегі жер үйде өрт шыққан. Оқиға орнына бірден өрт сөндірушілер аттанды. Жалпы ауданы 7 шаршы метрге жеткен жалын қонақ бөлмедегі жеке заттар мен жиһазды шарпыған.

Тілсіз жауды ауыздықтау барысында №12 өрт сөндіру бөлімінің қызметкерлері Ерлан Сейтенов, Дәурен Оралғазыұлы және Манат Кушеев 1960 жылғы тұрғынды құтқарды. Сондай-ақ үйден 27 литрлік 3 газ баллоны сыртқа шығарылды», - деп хабарлады ведомство өкілдері.

Алдын ала мәлімет бойынша өрттің шығуына – электр жабдықтарының апаттық жағдайда болуы немесе отпен абайсыз әрекет ету себеп болуы мүмкін.