Семейде құтқарушылар отқа оранған үйден 2 газ баллонын алып шықты

СЕМЕЙ. ҚазАқпарат - Семей қаласында құтқарушылар өртенген жер үйден 2 газ баллонын алып шықты, деп хабарлайды ҚазАқпарат тілшісі.

Ұқсас жаңалықтар

СҚО-да сенбілік жасағандар екі тұрғын үй мен қораны өртеп алды

Елордада жылдың алғашқы үш айында 72 көлік өртенді Астанада 2021 жылдың бірінші тоқсанында өрттен 4 адам қаза тапты Атырауда өрт шыққан үйден 4 бала құтқарылды

ШҚО Төтенше жағдайлар департаменті баспасөз қызметінің мәліметіне сүйенсек, 7 сәуір күні сағат 21.47-де Молдағалиев көшесінде өрт шыққан. Оқиға орнына өрт сөндірушілер келіп жеткенде тұрғын үй кіреберісінің ағаш құрылғылары, қабырғалары мен төбесін қызыл жалын шарпып жатты.

«Құтқарушылар ас бөлмеден сыйымдылығы 27 литрлік 2 газ баллонын сыртқа шығарып үлгерді. Көп ұзамай жалпы ауданы 70 шаршы метрді шарпыған жалын толықтай ауыздықталып, оның ары қарай таралуына жол берілмеді. Тұрғын үйдің жалпы ауданы 250 шаршы метрді құрайды», - деп хабарлады ведомство өкілдері.

Өртті сөндіруге жеке құрамнан 23 адам мен 8 техника жұмылдырылған. Оттың шығу себебі - электр сымдарын монтаждау және пайдалану кезінде өрт қауіпсіздігі талаптарын сақтамаудан болды.

Фото: semeynews.kz