11:11, 29 Қазан 2020 | GMT +6
Сенат кепілдендірілген трансфертке қатысты заңды қабылдады
НҰР-СҰЛТАН. ҚазАқпарат – Парламент Сенатының жалпы отырысында «ҚР Ұлттық қорынан 2020 – 2022 жылдарға арналған кепілдендірілген трансферт туралы» ҚР Заңына өзгеріс енгізу туралы» Заңы қабылданды, деп хабарлайды ҚазАқпарат тілшісі.
«2020 жылға арналған нақтыланған республикалық бюджет туралы» Қазақстан Республикасы Президентінің 2020 жылғы 8 сәуірдегі Жарлығымен Ұлттық қордан кепілдендірілген трансферттің мөлшері 4 трлн 770 млрд теңге сомасында айқындалды. Заң жобасында 2020 жыл бойынша осы соманы қолданыстағы кепілдендірілген трансферт туралы заңда белгілеу көзделеді», - деді Ұлттық экономика министрі Руслан Дәленов.