Сенімгерлік басқаруға берілген зейнетақы активіне кім кепілдік ұсынады
БЖЗҚ ұсынған мәлімет бойынша, міндетті зейнетақы жарналарына мемлекет тек Ұлттық банктің басқаруындағы сома көлемінде ғана кепілдік береді. ҚазАқпараттың сауалына жолдаған жауабында қор мамандары осындай ақпарат берген.
«Зейнетақы жинағын инвестициялық портфель ретінде басқаруға алған компания зейнетақы активтерінің номиналдық кірістілігі мен Қаржы нарығын реттеу және дамыту агенттігі бекіткен ең төменгі кірістілік мәнінің арасында теріс айырма пайда болған жағдайда, осы теріс айырманы Агенттік өз капиталынан өтейді. Төленетін сома БЖЗҚ-да ашылған жеке зейнетақы шоттарына аударылады. Табыстылықтың ең төменгі деңгейі инвестициялық портфельді басқаруға берілген зейнетақы активтерінің орташа алынған табыстылығы негізінде есептелетін болады. Зейнетақы активтері бойынша ең төменгі кірістілік және орташа алынған кірістілік көрсеткіштері туралы ақпарат ай сайын Ұлттық банктің ресми интернет ресурсында жарияланады», - делінген БЖЗҚ жауабында.