10:32, 22 Қараша 2019 | GMT +6
Шалқар жол дистанциясының басшысы 36 млн теңге айыппұл төлейді
НҰР-СҰЛТАН. ҚазАқпарат – Пара алғанАқтөбе облысы Шалқар жол дистанциясының басшысы пара алғаны үшін сотталды. Бұл туралы ҚазАқпарат Сыбайлас жемқорлыққа қарсы қызмет агенттігінің баспасөз қызметіне сілтеме жасап хабарлайды.
«ҚТЖ» АҚ филиалы Ақтөбе магистральдық желі бөлімшесінің Шалқар жол дистанциясының басшысы А.К.Каракушиковке қатысты сотқа дейінгі тергеу жүргізілді. Ол азаматтан баласын жұмысқа орналастырғаны үшін 1 млн 200 мың теңге көлемінде пара алды деген күдікке ілінген. Жақында өткен сот шешімімен ол айыпты болып танылып, өмір бойы мемлекеттік қызметте лауазым атқару құқығынан айырылды. Және 36 млн теңге айыппұл төлеу жазасы тағайындалды», - делінген хабарламада.