17:45, 23 Ақпан 2021 | GMT +6
ШҚО-да алаяққа алданған зейнеткер 3,5 млн теңгесінен айырылды
ӨСКЕМЕН. ҚазАқпарат – Шығыс Қазақстан облысында зейнеткер алаяқтың арбауына іліккен, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметіне сүйенсек, «102» жедел арнасына қоңырау шалған 61 жастағы қарт кісі 2018 жылдың наурыз айынан бастап 2020 жылдың сәуіріне дейінгі аралықта танысы жеке кәсібін дамытуға көмектесетіндігін айтып, 3 жарым млн теңге мөлшерінде ақша алған.
«Жедел-іздестіру шараларын жүргізу барысында криминалдық полиция қызметкерлері 27 жастағы күдіктіні қолға түсірді. Әйел адам өз кінәсін толықтай мойындап отыр», - деп хабарлады ведомство өкілдері.
Қазіргі уақытта аталған факті бойынша ҚР Қылмыстық Кодексінің 190-бабы 3-бөлігімен сотқа дейінгі тергеу амалдары жүргізілуде.