+7 (701) 759 90 19
USD 432.21 EUR 520.38
RUB 5.67 CNY 66.59
Jańalyqtar

ШҚО-да шекарадағы аудандарды дамытуға 218 млрд теңге жұмсалады

2021 жылғы 26 ақпан 14:32
Бөлісіңіз:
ШҚО-да шекарадағы аудандарды дамытуға 218 млрд теңге жұмсалады

ӨСКЕМЕН. ҚазАқпарат – Шығыс Қазақстан облысында шекаралық аудандарды дамыту мақсатында 2020-2024 жылдар аралығында 218 млрд теңге жұмсалады, деп хабарлайды ҚазАқпарат тілшісі.

Ұқсас жаңалықтар

Шекара маңындағы 5 аудан халқының өмір сүру сапасын жақсарту мақсатында кешенді жоспар әзірленді. Бұл туралы облыс әкімі Даниал Ахметов халыққа есеп беруінде айтты.

«2020-2024 жылдар аралығында 218 млрд теңгеге бөлініп, Күршім, Зайсан, Тарбағатай, Катонқарағай және Үржар аудандарының мәселелері мен келешегі жіті пысықталды. Осы ретте, өткен жылы Күршім мен Үржар ауылдарында 2 жүзу бассейні, Мақаншы ауылында спорт модулі салынды. Сондай-ақ 17 екіпәтерлік және 1 отыз пәтерлік үй пайдалануға берілді. 3 көппәтерлі үйдің құрылысы басталып, 105 білім беру, 6 денсаулық сақтау, 9 спорт, 31 мәдениет объектілері, 270 шақырымнан астам жолдар мен көшелер жөнделді», - деді аймақ басшысы.

Оның айтуынша, Тарбағатай, Күршім және Үржар аудандарының ауылдарына сумен жабдықтау желілері тартылып, 18 елді мекенге блокты-модульді станциялар орнатылды. Шекаралық аудандардың ауруханаларындағы перзентхана бөлімшелерін II деңгейге ауыстыру үшін 989 млн теңгеге медициналық жабдықтар сатып алынды.

«2021 жылы 4 көппәтерлі тұрғын үй, 8 су құбыры, 4 дене шынықтыру-сауықтыру кешені, 2 спорт модулі және 3 мәдениет объектісінің құрылысы жоспарланып отыр. 26 білім беру, 3 денсаулық сақтау, 4 спорт, 6 мәдениет объектісінде жөндеу жұмыстары жүргізілмек. 12 су құбыры және 230 шақырымнан астам жолдар мен көшелер жөнделетін болады. Жалпы биыл бес шекаралық ауданды дамытуға 59 млрд теңге жұмсалады», - деді Даниал Ахметов.

Естеріңізге сала кетсек, осыған дейін Шығыс Қазақстанда 11 мың жұмыс орнын ашатын 38 жоба іске асырылатындығы хабарланды.



Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT