+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

ШҚО-да жарылыстан 7 адамның ауруханаға түсуіне байланысты қылмыстық іс қозғалды

2019 жылғы 21 қараша 12:29
Бөлісіңіз:
ШҚО-да жарылыстан 7 адамның ауруханаға түсуіне байланысты қылмыстық іс қозғалды

НҰР-СҰЛТАН. ҚазАқпарат – Шығыс Қазақстан облысы Аягөз ауданының әкімі Ділдәбек Оразбаев газ баллонынан үйі жарылып, ауруханада жатқан отбасыға көмек көрсетілетінін мәлім етті, деп хабарлайды ҚазАқпарат тілшісі.

«20 қараша күні сағат 20.50 шамасында Шығыс Қазақстан облысының Аягөз ауданы Аягөз қаласында газ баллонының ақауы кесірінен жарылыс болып, үйдің төбесі, қабырғасы құлап түскен. Күйік жарақаттарымен 7 адам ауруханаға түсті. Олардың 4-еуі - бала», - деді бүгін елордада өткен баспасөз мәслихатында ҚР ІІМ Төтенше жағдайлар комитетінің төрағасы Владимир Беккер.

Оның мәліметінше, үй иесі – 40 жастағы азаматтың денесінің 38 пайызы, 65 жастағы әйелдің денесінің 12 пайызы, тағы бір әйелдің денесінің 25 пайызы күйген. Бұдан бөлек, төрт бала жарақат алып, ауруханада жатыр.

«Мен бұл мәселеге қатысты мән-жайды анықтап жатырмын. Оқиға орнынан маған баяндалғанындай, үй иесі дәл сол күні автогаз бекетінен 5 литрлік баллонды толтырып, үйге кіре беріс бөлмеге орнатқан. Үйден шыға берген кезде газ баллоны жарылған. Бір нұсқа бойынша, вентильден ақау шыққан. Қазіргі уақытта қылмыстық іс қозғалып отыр. Тергеу басталды. Мен бұған дейін қазіргі нормативті құжаттамаға сай, тұрмыстық газ баллондарын автогаз бекеттерінде толтыруға тыйым салынғанын ескерткен болатынмын. Баллонға белгілі бір мөлшердегі газ құйылуы керек. Автогаз бекеттерінде қандай әдіспен толтыратынын білмеймін. Бірақ, мұндай жағдайдың арты осындай оқиғамен аяқталды», - деді ол.

Аягөз ауданының әкімі Ділдәбек Оразбаев зардап шеккендердің жағдайын білу үшін ауруханаға барған.

«Әрине, бұл өрт қауіпсіздігін сақтамағаннан болып отыр. Бауыры бүтін ағайынның «бір отбасы ауруханаға бір мезетте түсіпті» дегенге жүрегі селт етпей қоймайтынына сенімдімін. Бүгін осы отбасы мүшелерінің халін білуге ауруханаға арнайы бардым. Сондай-ақ, баспанасының жайын да көріп қайттым. Әлбетте, жағдай өте ауыр. Отбасы аман-есен ауруханадан шыққан соң барар жері жоқ. Өрттің салдарынан үй тұруға жарамсыз болып қалған. Бұған дейін де үйін өрт шалған бір отбасына көмек бергенімізді білесіздер. Дәл солай бұл отбасын да далада қалдырмаймыз. Осы күннен бастап барынша жәрдемдесетін боламыз», - деп жазды ол Facebook-те.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT