ШҚО-да жасанды жолмен 140 400 текше метр қар түсірілді

None
None
ӨСКЕМЕН. ҚазАқпарат – Шығыс Қазақстан облысында жасанды жолмен қар түсірілді, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, жасанды көшкін түсіру жұмыстары «Өскемен-Тарғын-Самар» тасжолында жүргізілді. Қалың қар жауып, жел күшейген соң мамандар осы жолдың бойындағы 9 учаскеде көшкін жүру қаупін байқаған.

«Жасанды жолмен 140 400 текше метр қар түсірілді. Әсіресе тасжолдың 100-шақырымда көп қар жиналған. Бұл учаскеден 30 000 текше метр қар түсті. Жолды жауып қалған қар бірнеше сағат бойы тазаланды», - делінген хабарламада.

Айта кетейік, ауа райы ескертулеріне байланысты облыстағы көшкін қаупі жоғары тасжолдар жабылуда. Қазіргі уақытта «Өскемен-Самар», «Өскемен-Алтай-Рахман қайнары» және «Өскемен-Таулы Үлбі-Северное» жолдары жабық.


Соңғы жаңалықтар