+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

ШҚО-да жыл басынан бері браконьерлер 6 мың келі балық аулаған

2021 жылғы 19 сәуір 22:56
Бөлісіңіз:
ШҚО-да жыл басынан бері браконьерлер 6 мың келі балық аулаған

ӨСКЕМЕН. ҚазАқпарат – Шығыс Қазақстан облысында 2021 жылдың басынан бері браконьерлер 6 мың келі балық аулады, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, табиғат қорғау полициясының қызметкерлері биыл балық ресурстарын сақтау мақсатында 320 рет рейд өткізген. Соның нәтижесінде 239 экологиялық құқық бұзушылық анықталды. Браконьерлерге қатысты 10 факті бойынша сотқа дейінгі тергеу жүргізіліп, 229 адам әкімшілік жауапкершілікке тартылды.

«Жыл басынан бері заңсыз ауланған 6 мың келі балық тәркіленген. Соның салдарынан мемлекетке 3 млн теңгеден астам материалдық шығын келтірілді. Соңғы 4 күн ішінде облыста балық ресурстарын заңсыз аулаудың 66 фактісі тіркелген. 64 адамға жалпы сомасы 1 млн теңге мөлшерінде айыппұл салынды», - делінген хабарламада.

Мәселен, 18 сәуірде «Омбы-Майқапшағай» тасжолының 914 шақырымында патрульдік полиция ротасының инспекторлары полиция аға лейтенанты Тілеужан Лепесов пен полиция аға лейтенанты Думан Советханов патрульдеу кезінде «Chevrolet» маркалы автокөлікті тоқтатқан. Тексеру кезінде тиісті рұқсат құжаттары жоқ 6 қап шортан балығы табылды. Мемлекетке келтірілген жалпы шығын 198 000 теңгені құрады. Семей қаласының 54 жастағы тұрғынына қатысты ҚР ӘҚБтК-нің 339-бабы және 389-бабы 3-бөлігіне сәйкес әкімшілік хаттама толтырылды.

Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT