+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Шымкент әкімі қала халқына есеп берді

2020 жылғы 14 ақпан 15:03
Бөлісіңіз:
Шымкент әкімі қала халқына есеп берді

ШЫМКЕНТ. ҚазАқпарат - Бүгін Шымкент қаласының әкімі Мұрат Әйтенов 2019 жылдың қорытындысы бойынша шаһар тұрғындарының алдында есеп берді, деп хабарлайды ҚазАқпарат.

Мұрат Әйтенов атқарылған жұмыстармен қатар, 2020 жылғы жоспарларды баяндады. Алдағы үш жылдың даму бағдарламасына сәйкес, басты назар инфрақұрылымға аударылады. Қалаға қосылған елді мекендерде әлеуметтік мәселелер енді жүйелі түрде шешімін табатын болады.

Мәселен, 2022 жылы Шымкентте көгілдір отын мәселесі толығымен шешіледі. Ал, қала аумағындағы канализация проблемасын шешу мақсатында қуаты 150 мың текше метр тазарту қондырғысының құрылысын алдағы үш жылда кезең-кезеңімен салу жоспарлануда.

Биылғы жылы жергілікті бюджеттен 8 елді мекенді сумен қамтитын 2 магистральды су құбыры тартылады.

Электр қуатын артыру мақсатында 220 кВ Бозарық кіші станциясының құрылысы жүргізілуде. Ол биыл пайдалануға берілмек.

«Сонымен қатар, екі кіші станцияның құрылыстары басталды. Ол да келесі жылы пайдалануға беріледі. Жоспар бойынша биыл 227 көше жөнделеді.Ал көлік кептелісін шешу мақсатында, 13 магистральды жолды қайта құру, 2 үлкен жолайырықтың (Рысқұлов-Қонаев, Бәйдібек би - Арғынбеков) және 4 көпірдің құрылысы, Қонаев даңғылының жалғасы, А-2 айналма жолы, №1 автожол, Адырбеков көшесін қайта құру, әл-Фараби көшесінің жалғасын салу көзделген», - делінген әкімдік ақпаратында.


2020 жыл шымкентіктер үшін маңызды жыл болмақ. Биыл Шымкент - ТМД елдерінің мәдени астанасы. Қала әкімі Мұрат Әйтенов бұл, Шымкенттің халықаралық аренада танылуына алғашқы қадам екенін атап өтті. Шымкент қаласының ЮНЕСКО-мен бекітілген 2200 жылдық мерейтойына, әл-Фарабидің 1150 жылдық, Абайдың 175 жылдық мерейтойларына, Екінші дүниежүзілік соғыстағы Жеңістің 75 жылдығына орай мерекелік іс-шаралар өтетіні мәлім етілді.

Есепті кездесуге тұрғындар көптеп жиналды. Әкімге тұрғындар сауал жолдап, нақты жауап алды.


Біздің каналымызға жазылыңыз:

Басты сөздер: Аймақ, Шымкент,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT