Shymkentte 2765 otbasy ataýly áleýmettіk kómek alýǵa ótіnіsh berdі
Erbol Sadyrdyń sózіnshe, jańa formattaǵy ataýly áleýmettіk kómekke qujat qabyldaý 5 qańtarda bastalǵan. Búgіngі tańda 9 244 adamǵa keńes berіlіp, qujattar 5 mekenjaıda qabyldanyp jatyr.
«Bıyl barlyq tólemder elektrondy formatta ótedі. Ár aıdyń 5-10 aralyǵynda bіr ýaqytta áleýmettіk az qamtylǵan otbasylar járdemaqysyn alyp otyrady. Eger otbasy múshesі jumysqa ornalasýdan bas tartsa, AÁK tólenbeıdі. Eńbekke qabіlettі bola tura jumys іstemese, búkіl otbasy múshelerіne ataýly áleýmettіk kómek tóleý toqtatylady»,- dedі qala ákіmіnіń orynbasary.
Erbol Sadyr sondaı-aq, úshіnshі megapolıste az qamtylǵan otbasylarǵa berіletіn memlekettіk járdemaqy aıasynda 74 myńǵa jýyq bala ystyq tamaqpen qamtylatynyn atap óttі. Qujattar men járdemaqy taǵaıyndaý elektrondy túrde júrgіzіledі. Ataýly áleýmettіk kómek alýshylarǵa járdemaqy ár aıdyń 10-na deıіn túsіp otyrady.