Шымкентте 70 жас мерейтойға жиналған қонақтар үйіне қайтарылды
Шымкент қаласы Еңбекші ауданы полиция басқармасының қызметкерлері карантин талаптарының сақталуын бақылау мақсатында күнделікті рейд жүргізеді.
11 шілде сағат 14:00 кезінде Төле би көшесінде орналасқан «Құрма» кафесі карантин шектеулерін бұзып, 50 адамнан асатын 70 жас мерейтой өткізіп жатқанын анықтады.
Сондай-ақ қызметкерлер мен даяшылар кафе ішінде бетперде тақпай қызмет көрсеткен.
Аталған жайт бойынша карантин талаптарын сақтамай, жұмысын жалғастырған кафе әкімшісінен түсініктеме алынды.
Жинақталған іс-құжаттар шара қолдану үшін ҚР ӘҚБтК 425-бабы бойынша санитарлық-эпидемиологиялық бақылау басқармасына жолданды.
Осы орайда Шымкент қаласы полиция департаментінің қызметкерлері бекітілген қаулыны ескермей, әлі той-жиын өткізіп жатқан тұрғындарға бұл өздерінің ғана емес, өзгелердің де өміріне қауіп төндіріп жатқанын ескертеді.