Шымкентте астыртын спирт өндіретін зауыт анықталды

None
None
ШЫМКЕНТ. ҚазАқпарат –Шымкентте спиртті қайта өндіретін астыртын зауыт қызметінің жолы кесілді. Бұл туралы ҚазАқпарат Қаржылық мониторинг агенттігіне сілтеме жасап хабарлайды.

Қазақстан Республикасы Қаржылық мониторингі агенттігінің Шымкент қ. бойынша Экономикалық тергеп-тексеру департаментінің қызметкерлері спиртті қайта өндіретін зауыт қызметінің жолын кесті.

Заңсыз әрекет Шымкент қаласы кәсіпорындардың бірінің өндірістік аймағында сатып алынған 70 литр спирт қосылған сұйықтық бар автокөлікті ұстау кезінде анықталды.

Аймақ аумағын тексеру барысында тағы 25 тонна суррогат алкоголь өнімі табылып тәркіленді, сарапшылар оны 35 млн теңгеге бағалайды.

Шымкент қ. Қаратау аудандық сотының үкімімен кәсіпорын басшысы 1 жылға бостандығын шектей отырып, заңсыз кәсіпкерлікпен айналысқаны үшін кінәлі деп танылды.

Тәркіленген заттай дәлелдемелер мемлекет кірісіне айналдырылды.


Соңғы жаңалықтар