+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

Shymkentte jedel járdem qyzmeti tolyqtaı sıfrlyq júıege kóshti

2018 жылғы 25 желтоқсан 12:11
Бөлісіңіз:
Shymkentte jedel járdem qyzmeti tolyqtaı sıfrlyq júıege kóshti

SHYMKENT. QazAqparat - Shymkenttegi jedel járdem qyzmetkerleri elimizde alǵashqylardyń biri bolyp tolyqtaı sıfrlyq júıege kóshti, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, jedel járdem qyzmetin kórsetetin mamandardyń barlyǵy smartfonmen qamtylǵan. Endi shuǵyl járdem qyzmetkerleri qaǵaz toltyrmaıtyn bolady. Brıgadany shaqyrtý kartasyn, ýchaskelik dárigerdiń dabyl qaǵazyn jáne jedel medıtsınalyq járdem stansıasynyń ilespe paraǵyn smartfonǵa engizedi. Osynyń arqasynda qyzmetkerler ortalyq stansaǵa kelmeı-aq, qolyndaǵy smartfon arqyly tikeleı shaqyrtýǵa bara alady. Bul mamandardyń ýaqytyn únemdep, qaǵazbastylyqtan arylýǵa kómektesedi deıdi salaǵa jaýaptylar.

«Elbasynyń Qazaqstan halqyna Joldaýynda berilgen tapsyrmalardyń biri 2019 jyldyń 1 qańtarynan bastap medıtsına salasyn qaǵazsyz qujat aınalymyna kóshirý bolatyn. Sondaı-aq, «Aqparattyq júıelerdi biriktirý, mobıldik sıfrlyq qosymshalardy qoldaný, elektrondyq densaýlyq pasportyn engizý, «qaǵaz qoldanbaıtyn aýrýhanaǵa» kóshý arqyly medıtsınalyq kómektiń qoljetimdiligi men tıimdiligin arttyrý qajet» dep densaýlyq saqtaý salasynyń mamandaryna mindet júktegen edi. Osy tapsyrmasyn basty nazarǵa ala otyryp, Shymkent qalasynyń jedel járdem stansıasy alǵashqylardyń biri bolyp qaǵazsyz jumys jasaýǵa kóshti»,- deıdi Shymkent qalasynyń densaýlyq saqtaý basqarmasynyń basshysy, Nurlan Qasymov.

Aıta keteıik, 1 mıllıonnan asa halqy bar qalada 81 jedel járdem brıgadasy qyzmet kórsetedi. Kúnine qala boıynsha ortasha eseppen 15-16 myńnan shaqyrtý túsedi. Ortalyqqa kelip túsken qońyraýlardyń 20 paıyzy 4-shi sanattaǵy shaqyrtý bolǵandyqtan, meken-jaıy boıynsha emhanalarǵa tikeleı joldanady. Sondaı-aq, jedel járdem stansasynda call ortalyq jumys isteıdi. Osynyń arqasynda jedel járdem kóliginiń qaı mańda júrgenin, dittegen jerine neshe mınýtta jetkenin baqylaýǵa bolady.

Біздің каналымызға жазылыңыз:

Басты сөздер: Jańa álipbı. Апробация,
Бөлісіңіз:

Автор:

Нұрлан Тұяқов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT