+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Шымкентте МӘМС  жүйесін түсіндіру шаралары жалғасуда

2019 жылғы 13 желтоқсан 23:14
Бөлісіңіз:
Шымкентте МӘМС  жүйесін түсіндіру шаралары жалғасуда

ШЫМКЕНТ. ҚазАқпарат – Шымкентте міндетті әлеуметтік медициналық сақтандыру (МӘМС) жүйесін түсіндіру шаралары жалғасуда.

Ұқсас жаңалықтар
Қытайда пневмонияның жаңа түрі өршіп барады Қыс мезгілінде жүрекке ерекше күтім қажет – кардиолог Михаил Телюк Ақмола облысында 4908 адам тұмау жұқтырған

Қаладағы денсаулық сақтау саласындағы жаңа өзгерістер мен медициналық сақтандыру жүйесіне дайындық барысы ақпараттық-коммуникациялық орталығында өткен баспасөз брифингінде сөз болды, деп хабарлайды ҚазАқпарат тілшісі.

Баспасөз мәслихатына ҚР Денсаулық сақтау вице-министрі Камалжан Надыров пен Шымкент қалалық денсаулық сақтау басқармасының басшысы Асхан Байдувалиев, медицина ғылымының докторы, профессор Құралбай Құрақбаев қатысты.

Брифингте сөз сөйлеген Камалжан Надыров ел тұрғындарының денсаулығын жақсарту, яғни міндетті әлеуметтік медициналық сақтандыру жайы басты назарда екенін атап өтті. Бұл салаға бөлініп жатқан қаражат 42 млрд теңгеден 60 млрд теңгеге дейін өскенін атап өтті.

Оның сөзінше, қалада міндетті әлеуметтік медициналық сақтандыру жүйесі бойынша 667 688 азамат қамтылған. Қала аумағында орналасқан 18 ірі кәсіпорынның базасында емханада бекітілген кестеге сәйкес МӘМС ақпараттық-түсіндіру жұмыстары жүргізілген. Осы орайда жыл басынан бері тіркеуде тұрған, бірақ статусы жоқ 28 мың адам нақтыланған. Оның ішінде 13 мың адамның арнайы дәрежесі анықталып, қазір қалған 15 мың азаматты статусына сай қайта тіркеуге алу жұмыстары жалғасуда.

«Алдымызда тұрған басты мақсат – азаматтарға сапалы қызмет көрсету. Қаңтар айынан бастап міндетті әлеуметтік сақтандыру жүйесі енгізілетіні белгілі. Осы бағытта денсаулық сақтау басқармасында бағыттар айқындалып, жүйелi жұмыс жүргізілуде. Қаламыздың ауруханаларына тағы қосымша жаңа 3-4 компьютерлік томография аппаратын алғалы отырмыз», - деді басқарма басшысы А.Байдувалиев.

Брифингте сонымен қатар, қаланың Кәсіпкерлік және индустриалды-инновациялық даму басқармасының мәліметінше, бекітілген жоспар бойынша 375 кәсіпорын мен 35 базар және 10 сауда орталығында түсіндіру жұмыстары жүргізілген.

Біздің каналымызға жазылыңыз:

Басты сөздер: Медицина, Шымкент,
Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT