+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Шымкенттегі 121 бос әкімшілік мемлекеттік лауазымдарға конкурс жарияланды

2019 жылғы 10 желтоқсан 20:07
Бөлісіңіз:
Шымкенттегі 121 бос әкімшілік мемлекеттік лауазымдарға конкурс жарияланды

ШЫМКЕНТ. ҚазАқпарат – Шымкенттегі жергілікті атқарушы органдарда мемлекеттік қызметшілердің штаттық саны 758 болса, оның 121-і бос тұр. Бұл туралы бүгін ҚР Мемлекеттік қызмет істері агенттігі Шымкент қаласы бойынша департаментінің басшысы Әли Көмекбаев мәлім етті, деп хабарлайды ҚазАқпарат тілшісі.

Ұқсас жаңалықтар

Ақпараттық-коммуникациялық орталығында өткен брифингте ҚР Президенті Қасым-Жомарт Тоқаевтың Жолдауында айтылған мемлекеттік қызметшілер жұмысының тиімділігін арттыру мен арнайы дайындығы бар жас кадрларды бос орындарға тарту мәселелері сөз болды.

«Қазақстан Республикасының мемлекеттік қызметі туралы» Заңымен мемлекеттік аппараттың кәсібилігі мен дербестігіне бағытталған «100 нақты қадам» Ұлт жоспарында көзделген негізгі шаралар қамтылды. Бұл бағытта мемлекеттік қызметке іріктеу рәсімі жаңғыртылғаны және құзыреттілік тәсіл негізінде мансаптық модель енгізілгені айтылды. «Осы Заңмен қолдану практикасы барысында анықталған жекелеген проблемалық мәселелер мен қайшылықтар да шешілуде. Мемлекеттік қызмет мәселелері бойынша әкімшілік лауазымдарға конкурстан тыс тағайындау құқығы бар адамдар тобы кеңейтілді. Бос мемлекеттік әкімшілік лауазымдарға өткізілетін конкурстарға мемлекеттік қызметші қатысатын болса, тестілеуден өтпейді. Сондай-ақ, заң мемлекеттік қызметшілердің жауапкершілігін күшейтуді көздейтін бірқатар түзетулер қамтиды. Мәселен, басшыларға бағыныштылары жасаған сыбайлас жемқорлық құқық бұзушылықтардың алдын алу бойынша өз өкілеттіктерін тиісінше орындамағаны үшін жауапкершілік енгізілді»,- деді Әли Көмекбаев.

Айта кетейік, ағымдағы жылдың үшінші тоқсанында шаһардағы аумақтық органдар бойынша жалпы саны 210 бос әкімшілік мемлекеттік лауазымдарға конкурстар жарияланып, ішкі конкурс негізінде арқылы 137 мемлекеттік қызметші тағайындалған. Тиісті қызмет саласында кәсіби білім мен практикалық тәжірибе алмасу мақсатында 25 мемлекеттік қызметші тағылымдамадан өтіп, жоспарланған аумақтық органдардағы 17 қызметші біліктілігін шыңдаған.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT