+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

СҚО-да былтыр 210 балаға семіздік диагнозы қойылған

2021 жылғы 8 сәуір 01:01
Бөлісіңіз:
СҚО-да былтыр 210 балаға семіздік диагнозы қойылған

ПЕТРОПАВЛ. ҚазАқпарат – Солтүстік Қазақстан облысында былтыр 14 жасқа дейінгі 210 балаға шамадан тыс артық салмағы үшін семіздік диагнозы қойылды, деп хабарлайды ҚазАқпарат тілшісі.

Ұқсас жаңалықтар
Нотариаттық құпия ұғымы анықталды – Әділет министрлігі Қазақстанда вакцина салдырғандар саны 700 мыңға жуықтады Қазақстандық зілтеміршілер Азия чемпионатын сәтті бастады

СҚО санитариялық-эпидемиологиялық бақылау департаментінің мәліметінше, елімізде бастауыш сынып оқушыларының 5 %-ы семіздікпен ауырады және шамамен 10 %-ы артық дене салмағына ие. Семіздік ауруы жасөспірімдер арасында да жиі кездеседі.

Мамандардың айтуынша, семіздікке әкелетін негізгі фактор – дұрыс тамақтанбау. Ол осы заманғы диетологияның маңызды проблемасына айналып отыр.

«Ғылыми зерттеулерге сүйенсек, оқушылардың 80 %-ы оңай сіңетін көмірсулар, майлар мен натрийді шамадан тыс тұтынудан ағзаға қажетті дәрумендерді, минералдарды аз қабылдайды, салдарынан олар нашар оқиды, баяу ойлайды, тез шаршайды. Дүниежүзілік денсаулық ұйымы мәліметтері бойынша, аурудың тууына 50-70 %-ында тамақтану сапасы, тамақтану тәртібінің бұзылуы, дұрыс тамақтану және ішу мәдениетінің болмауы себеп», - дейді СҚО санитариялық-эпидемиологиялық бақылау департаменті білім беру және тәрбиелеу объектілерін бақылау және қадағалау бөлімінің басшысы Гүлнара Сеитова.

Дүкен сөрелерінде, дәмханалар мен мейрамханалар мәзірінде жиі кездесетін қарапайым тағам – фастфуд балалар арасында сұранысқа ие.

«Сэндвич, хот-дог, пицца, құймақ және шаурма, фри картобы, бургерлерді дайындауда төмен сапалы шикізат жиі қолданылады. Фастфудқа жататын барлық тағамдар майлармен, қантпен қаныққан және оларда ағзаға қажетті дәрумендер мен минералдар жоқ деуге болады. Мұндай өнімдермен жиі тағамдану іш қатуға, ішек микрофлорасының бұзылуына әсер етеді. Фастфудты қолдану семіздікке, иммунитеттің төмендеуіне және ас қорыту жолдарының проблемаларына әкеледі. Қант диабеті дамуының қаупін арттырады», - дейді Гүлнара Сеитова.

СҚО-да 2019 жылы 14 жасқа дейінгі балалар арасында семіздіктің 270 жағдайы тіркелсе, былтыр 210 балаға осындай диагноз қойылып, есепке алынған.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT