+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

СҚО-да кәсіпкер туған ауылына оралып, елді мекенді дамытуда

2021 жылғы 5 қаңтар 18:21
Бөлісіңіз:
СҚО-да кәсіпкер туған ауылына оралып, елді мекенді дамытуда

ПЕТРОПАВЛ. ҚазАқпарат – Солтүстік Қазақстан облысындағы Прекрасное елді мекені жергілікті кәсіпкердің арқасында дамып жатыр, деп хабарлайды ҚазАқпарат тілшісі.

СҚО әкімі Құмар Ақсақалов бұл жайында әлеуметтік желідегі өз парақшаларында жазды.

«Бүгінгі посттың кейіпкері - Бақыт Құсайынов. 9 жыл бұрын Бақыт Айыртау ауданындағы өзі туған Прекрасное ауылына көшіп келді. Содан бері ол ауыл шаруашылығын дамыта отырып, туған ауылын дамытумен де айналысып келеді. Болашағы жоқ ауылдардың санатындағы елді мекенге жан бітіріп, қалпына келтірді», - деп жазды облыс әкімі. ⠀
Қазір бұл ауылда 600 сиырға арналған заманауи сүт фермасы салынып жатыр. Былтыр жаңадан 11 баспана тұрғызылды. Биыл кәсіпкер тағы 10 үй көтеріп, шағын орталық, дүкен, фельдшерлік-акушерлік пункт ашуды жоспарлап отыр.

«Бақыт Құсайынов – өз Отанының нағыз патриоты. Ол сөздің емес, істің адамы. Бақыт Құсайыновқа алғыс айтамын. Ауылда қалай жұмыс істеу керектігі жөнінде басқалар одан үлгі алуы керек. Туған ауылына оралып, барлығын қайта іске қосып жатыр. Ауылдастарына тұрғын үй салып берді. Оларға жұмыс істеу үшін жақсы жағдай жасауда. Ал иесі бар ауылдың болашағы айқын», - деді Құмар Ақсақалов.

СҚО әкімі бюджет есебінен елді мекенге асфальт жол салып беруге уәде етті.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT