+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

СҚО-да спорт мектебінің бухгалтері 24 млн жуық теңгені қалтасына басқан

2020 жылғы 29 қазан 14:51
Бөлісіңіз:
СҚО-да спорт мектебінің бухгалтері 24 млн жуық теңгені қалтасына басқан

ПЕТРОПАВЛ. ҚазАқпарат – Петропавл қалалық соты Бокстан олимпиада резервінің облыстық балалар-жасөспірімдер спорт мектебінің бас бухгалтеріне қатысты қылмыстық істі қарап, үкім шығарды, деп хабарлайды ҚазАқпарат тілшісі.

Ұқсас жаңалықтар
Сайрам ауданында ауыл әкімдігінің кеңсесі «Адалдық алаңына» айналды Қазақстанның барлық аудандарында сервистік әкімдік ашылады - агенттік 33 млн теңге пара алған әкім орынбасары 73,4 млн теңге айыппұл төлейді

Петропавл қалалық сотының мәліметінше, Бокстан олимпиада резервінің облыстық балалар-жасөспірімдер спорт мектебінің 54 жастағы бас бухгалтері алаяқтық жасаған. Ол өзіне сеніп тапсырылған қаржыны қызметтік өкілеттігін пайдалана отырып аса ірі көлемде ұрлаған.

Сотталған 2017 жылдың маусымы мен 2020 жылдың ақпаны аралығында төлем қалыптастырудың электронды бағдарламасына жалған мәлімет енгізіп келген. Осылайша өзіне еңбекақыны, демалысақыны, сауықтыру жәрдемақысын, көтермеақы, тағы басқа төлемдерді заңсыз жазған. Нақты мәліметтерді әдейі бұрмалап, ақшаны өзінің карточка шотына аударып отырған.

Салдарынан «Бокстан олимпиада резервінің облыстық балалар-жасөспірімдер спорт мектебі» КММ-ге және «СҚО әкімдігінің дене шынықтыру және спорт басқармасы» КММ-іне 23 781 833 теңге шығын келді. Бұл қаражатты экс-бас бухгалтер өз мақсатына жұмсаған.

Сотқа дейінгі тергеу барысында бас бухгалтер өз кінәсін мойындады. Куәгерлер сұралып, сот сараптамалары жасалды.

Петропавл қалалық соты 28 қазан күні оны қылмыстық істе кінәлі деп тауып, 6 жыл 8 айға бас бостандығынан айырды. Сотталушы жазасын қылмыстық-атқару жүйесінің орташа деңгейдегі қауіпсіздік мекемесінде өтейді.

Үкім заңды күшіне енген жоқ.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT