+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

СҚО-да теміржолда екі адам мерт болып, біреуі ауыр жарақат алды

2021 жылғы 10 маусым 21:41
Бөлісіңіз:
СҚО-да теміржолда екі адам мерт болып, біреуі ауыр жарақат алды

ПЕТРОПАВЛ. ҚазАқпарат – Солтүстік Қазақстан облысында пойыз соғып, ауыр жарақат алған әйелдің аты-жөні және туыстары анықталып жатыр. Жалпы биыл теміржолда 3 оқыс оқиға тіркелді, екі адам мерт болды, деп хабарлайды ҚазАқпарат тілшісі.

Петропавл стансасы желілік полиция бөлімінің мәліметінше, теміржолда биылдыққа үш оқыс оқиға тіркелген. Наурыз айында ер адамды пойыз соғып кетсе, Мамлюткада 1976 жылы туған әйел өзіне қол жұмсап, пойыз астына түскен.

«Теміржол облыс аумағында оннан астам елді мекенді басып өтеді. Оқыс жағдайлар негізінен осы ауылдардың маңында тіркеледі. Тұрғындар жолды қысқартпақ болып, белгіленбеген жерден өтпек болады. Арты қайғылы аяқталып жатады.

Халықпен профилактикалық жұмыс үнемі жүргізіледі. Жолды қысқартып, уақытты үнемдеймін деп басты қатерге тікпеу қажеттігін ескертеміз. Рейдтер өткіземіз. Заң бойынша жазалаймыз. Теміржолды белгіленбеген жерден кесіп өтпек болғандар бірінші рет ескертіледі, кейін айыппұл салынады», - дейді Петропавл стансасы желілік полиция бөлімі әкімшілік полиция бөлімшесінің бастығы Абзал Рахиев.

Айыппұлдың мөлшері – 3 АЕК. Жыл басынан бері ҚР ӘҚБтК-ның 559- бабының 5-бөлігімен яғни, темір жол арқылы белгіленбеген жерден өткені үшін 633 адам әкімшілік жауапқа тартылды.

Былтыр СҚО-да теміржолда 6 адам мерт болды. Оның біреуі өзіне қол жұмсап, пойыз астына түскен екен.

Бұған дейін пойыз соққан әжейдің туыстары іздестіріліп жатқанын айтқан едік. Бүгінде ауыр жарақат алған әйелдің аты-жөні нақтыланып жатыр.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT