09:53, 11 Наурыз 2021 | GMT +6

СҚО-ның барлық аудан орталықтарында хоккей корты ашылады

ПЕТРОПАВЛ. ҚазАқпарат – Солтүстік Қазақстан облысы Булаево қаласында «Жастар» хоккей корты пайдалануға берілді. Бұл – өңірде биыл ашылып отырған осымен үшінші спорт нысаны, деп хабарлайды ҚазАқпарат тілшісі.

СҚО әкімі Құмар Ақсақалов жаңа нысанның ашылу салтанатына қатысты. Өңір басшысының айтуынша, мұндай заманауи хоккей корттары барлық аудан орталықтарында ашылмақ.

Бұл өңірде хоккейді жүйелі түрде дамытуға мүмкіндік береді.

Булаевтағы жаңа «Жастар» хоккей корты «Батыр Баян» спорттық-сауықтыру орталығы мен жаңа стадионның жанында орналасқан.

«Қыс мезгілінде біз аудандарда үшінші хоккей кортын ашып отырмыз. Новоишимка мен Мамлюткадан кейін эстафетаны Булаево қабылдап алды. Кешенде ауданның 120 тұрғыны спортпен айналысады. Жаңа кортта хоккей секциясына тағы 100 адам тартылмақ. Шорт-трек үйірмесін де ашу жоспарланған.

Тағы 2 хоккей кортының құрылысы жалғасып жатыр. Биыл хоккей орталықтарының желісі айтарлықтай өседі. Тағы 7 хоккей кортын салынады, Оған қажет қаражат бюджетке қарастырылған. Осылайша, хоккей кешендері бүкіл облыс бойынша жұмыс істейді», - деді Құмар Ақсақалов.

Қазір СҚО-да 2 891 спорт нысандары бар.

Былтыр ғимараттарды жөндеуге 2 есе көп қаражат жұмсалды.

Жалпы бұл салаға былтыр 6,1 млрд теңге жұмсалса, биыл ол 18,2 %-ға артқан.

Тегтер:

Әкімдік Аймақ Спорт Жергілікті органдар Солтүстік Қазақстан облысы Әкім

Соңғы жаңалықтар

Одан да көп жаңалықтар біздің Телеграм-арнамызда!