+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

СҚО полицейлері үш күнде алимент төлеуден жалтарған 13 адамды анықтады

2021 жылғы 21 қыркүйек 03:15
Бөлісіңіз:
СҚО полицейлері үш күнде алимент төлеуден жалтарған 13 адамды анықтады

ПЕТРОПАВЛ. ҚазАқпарат – Солтүстік Қазақстан облысы полиция департаменті көші-қон қызметі басқармасының қызметкерлері үш күн ішінде алимент төлеуден жалтарған 13 адамның жүрген жерін анықтады, деп хабарлайды ҚазАқпарат тілшісі.

СҚО ПД баспасөз қызметінің мәліметінше, Петропавлда полицейлер 2017 жылдан бастап 5 жасар ұлына алимент төлемей жүрген 30 жастағы қала тұрғынының жүрген жерін анықтады. Алимент төлемеушінің тұрғылықты жері туралы ақпарат сот орындаушыға берілді. Сондай-ақ, көші-қон қызметі басқармасының қызметкерлері үш борышкер мен туыстық байланысынан айрылған екі адамның орнын анықтады.

«Үш күн ішінде іздеуде жүрген осы санаттағы азаматтардың тұрғылықты жерін анықтау бойынша жұмыс күшейтілді. Барлық ақпарат одан әрі заңнамамен белгіленген шараларды қабылдау үшін іздестіруге бастамашылық еткендерге берілді. Егер бұл туыстық байланысын жоғалтқан азаматтарды іздеуге қатысты болса, онда ақпаратты өтініш берушілер алады», - дейді СҚО Полиция департаменті көші-қон қызметі басқармасының бастығы Талғат Әбілов.

Сонымен қатар, көші-қон қызметінің қызметкерлері соңғы екі ай бойы анасымен байланысқа шықпаған әйелдің жүрген жерін анықтады.
Осыған ұқсас жағдай петропавлдық зейнеткерде де болған. 42 жастағы ұлынан хабар болмағандықтан әйел полицейлердің көмегіне жүгінді.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT