14:15, 20 Маусым 2021 | GMT +6
Солтүстік Қазақстан облысының тұрғыны өз үйінде қаза тапты
ПЕТРОПАВЛ. ҚазАқпарат – Петропавлдағы тұрғын үйлердің бірінен өрт шығып, ер адам қаза тапты, деп хабарлайды ҚазАқпарат.
Төтенше жағдайлар департаменті баспасөз қызметінің мәліметінше, өрт таңғы сағат 9-да Бөркі ауылында тіркелген. Төсек, еден, үй заттары өртенген. Өрт 15 минуттан кейін сөндірілді.
«Өрт орнында үй иесі, 57 жастағы ер адамның денесі табылды. Өрттің алдын ала себебі – отты дұрыс қолданбау, темекі шегу», – деп хабарлады баспасөз қызметі.
Жыл басынан бері облыста өрттен 32 адам, оның ішінде екі бала қайтыс боллды.
«Талдау көрсеткендей, өлім себебі – тұрмыстағы қарапайым қауіпсіздік ережелерін елемеуден туындайды. Көп жағдайда өрт құрбандары мас болған», – деп толықтырды баспасөз қызметі.