+7 (701) 759 90 19
USD 426.14 EUR 517.08
RUB 5.74 CNY 66.17
Jańalyqtar

Су тасқыны: Қазақстанда 46 үй мен 67 жолды су басқан

2021 жылғы 15 сәуір 13:20
Бөлісіңіз:
Су тасқыны: Қазақстанда 46 үй мен 67 жолды су басқан

НҰР-СҰЛТАН. ҚазАқпарат – ҚР Төтенше жағлайлар министрі Юрий Ильин елімізде жүргізіліп жатқан су тасқынына қарсы іс-шаралар туралы айтып берді, деп хабарлайды ҚазАқпарат тілшісі.

Ұқсас жаңалықтар
ШҚО-дағы өртке байланысты шұғыл желі іске қосылды Ауғанстандағы су тасқыны: 78 адам қаза тауып, 32 адам із-түссіз жоғалған Қытайдағы нөсер жаңбыр: 70 мың адам қауіпті аймақта қалды

«Жалпы еліміздегі су тасқыны жағдайын тұрақты деп айтуға болады. Ауа райының күрт жылуынан су тасқыны қаупі басталған сәттен бері 46 тұрғын үйді су басты. Өңірлер бойынша Қостанай облысында – 39, Ақмола облысында – 5, Шығыс Қазақстанда – 1 және Нұр-Сұлтанда 1 тұрғын үйге су кірген. Үй ішіндегі су деңгейі 10-15 саниметр деңгейінде болғандықтан, барлық жерде су сорғылау жұмыстары жүргізілген. Тұрғындар біртіндеп оралып жатыр. Жағдайды тексерген соң, жергілікті атқарушы органдар зардап шеккен тұрғындарға өтемақы төлеу туралы шешім қабылдайды», - деді министр Орталық коммуникациялар қызметінде өткен баспасөз мәслихатында.

Сонымен бірге, елімізде облыстық және аудандық маңызы бар 67 автожолға су жайылған. Ақмола облысында – 33, Солтүстік Қазақстанда – 10, Қостанайда – 9, Қарағанды облысында – 8, Шығыс Қазақстанда – 2, Атырау, Ақтөбе, Павлодар облыстарында 1 автожолды су басқан.

Министрліктің хабарлауынша, су тасқыны кезеңі басталғаннан бері жергілікті атқарушы органдар мен ТЖМ бөлімшелерінің күшімен Ақмола, Қостанай, Павлодар, Шығыс Қазақстан, Солтүстік Қазақстан облыстарында 172 775 текше метр еріген қар суы сорылды. Ақмола және Солтүстік Қазақстан облыстарында 455,9 м су өткізу арналары мен арықтар тазартылды. Ақмола және Қостанай облыстарында инертті материалдар салынған 2900 қап төселді. Жергілікті атқарушы органдар елді мекендерден 39,2 млн текше метр қар шығарды.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT