+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Таразда әскери қызметшілер қоғамдық орындарды дезинфекциялауға кірісті

2020 жылғы 26 наурыз 17:58
Бөлісіңіз:
Таразда әскери қызметшілер қоғамдық орындарды дезинфекциялауға кірісті

ТАРАЗ. ҚазАқпарат – «Оңтүстік» өңірлік қолбасшылығының әскери қызметшілері қолбасшылықтың жауапкершілік аймағына кіретін Тараз қаласындағы қоғамдық орындарды дезинфекциялық өңдеуге кірісті, - деп хабарлайды ҚазАқпарат облыс әкімінің баспасөз қызметіне сілтеме жасап.

Ұқсас жаңалықтар
Қостанай облысында провизорлық госпиталь ашылды Коронавируспен күресте халықтың мемлекетке сенім деңгейін талдау қажет – сарапшы Даниал Ахметов Өскемен мен Семейде ауыр науқастарға арналған бөлімшелерді ашуды тапсырды

Тараз гарнизонының екі жүз елуден астам әскери қызметшісі күн сайын санитарлық жұмыстарды жүргізуде. Бұған дейін әскери қызметшілер санитарлық өңдеуден өтуге тиісті нысандардың тізімі әзірлеген болатын. Олардың қатарында «Mart» және «Small» сауда орталықтары, «Ауыл Береке», «Қайқармет» базарлары, Теміржол бекеті, әуежай, автобекет және қаланың басқа да адам көп жиналатын орындары бар.

Дезинфекциялау бүрку және суару әдістерімен жүргізіледі. Ол үшін «Рубеж» хлор ерітіндісі пайдаланылады. Аталған ерітінді вирусқа тосқауыл қоюға, оны белгіленген шептен әрі асырып алмауға бағытталған.

Жеке сақтық шараларын ұстану – әскерилерге қойылып отырған басты талаптардың бірі. Бұл орайда олар теріге дезинфекциялық ерітіндінің түсуін болдырмау үшін комбинезонға ұқсас жалпы әскери қорғаныс жабдықтарымен және бетпердемен қамтамасыз етілген.

«Рубеж» ерітіндісін себу нормасы әр шаршы метрге 1,5-2 литрді құрайды. Канистрді үнемі толықтырып отыру үшін әр өңдеу учаскесіне арнайы «АРС-14» - автоматтандырылған құю станциясы бөлінген. Ол күнде таңертен керекті мөлшерде дезинфекциялық ерітіндімен қамтылып отырады.


Қаладағы нысандарды санитарлық өңдеу бойынша әскери жұмыстарға «Оңтүстік» өңірлік қолбасшылығының радиациялық, химиялық және биологиялық қорғау әскерлерінің бастығы, майор Мұхтар Сатаев басшылық жасауда. Ол дезинфекциялық жұмыстарды жүргізуге тартылған әскери қызметшілердің жоғары жауынгерлік белсенділігін атап өтті.

«Біздің әскерилер қаланы санитарлық өңдеу бойынша тапсырмалардың жауапкершілігін сезінеді, вирустың таралуын болдырмау үшін күн сайын кезекшілікке дайын. Бірақ біз бір әскери қызметшілер дезинфекциялауды үздіксіз жалғастыруы үшін кесте әзірледік»,– деп атап өтті майор М.Сатаев.

«Бұл біздің әскери борышымыз. Біз азаматтарға қамқорлық жасауға және оларды қорғауға, еліміздің игілігі үшін қолдан келгеннің бәрін жасауға дайынбыз», - дейді 85395 әскери бөлімінің радиациялық, химиялық және биологиялық қорғау взводының командирі, лейтенант Нұрсұлтан Тәліпбаев.


Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT