+7 (701) 759 90 19
USD 432.55 EUR 470.83
RUB 5.84 CNY 61.31
Jańalyqtar

Таразда көп балалы отбасылар мен жетім балалар баспаналы болды

2020 жылғы 7 наурыз 14:51
Бөлісіңіз:
Таразда көп балалы отбасылар мен жетім балалар баспаналы болды

ТАРАЗ. ҚазАқпарат – Халықаралық әйелдер күні қарсаңында Тараз қаласында«Нұрлы жер» бағдарламасы бойынша салынған 80 пәтерлі жаңа тұрғын үй пайдалануға берілді, деп хабарлайды ҚазАқпарат.

Ұқсас жаңалықтар
Биыл 15 млн шаршы метр тұрғын үй салынады – Асқар Мамин Баспанамен қамтамасыз ету бағытында көпбалалы отбасыларға 2 пайыздық жеңілдікті несие беріледі Алматы облысында карантинге жабылған тұрғын үй кешеніне тегін азық-түлік жеткізе бастады

Жаңа 15 шағынауданда орналасқан тұрғын үйдің иегерлері - көп балалы және аз қамтылған отбасылар, жетім балалар және басқа да әлеуметтік осал топтағы азаматтар. Жаңа үйде үш бөлмелі 15 пәтер, екі бөлмелі 55 пәтер, бір бөлмелі 10 пәтер.

Көп жыл бойы кезекте тұрғандар берліген пәтер кілттерін тапсыру салтанатына Жамбыл облысының әкімі Бердібек Сапарбаев арнайы қатысты.

«Тұрғындардың тұрғын үй мәселесін шешу үшін мемлекет түрлі бағдарламалар қабылдады. Өткен жылы Таразда екі мыңға жуық пәтер берілсе, бүгін де сол игі дәстүр өз жалғасын табуда. Бұл Халықаралық әйелдер күні қарсаңында біздің әйелдер мен көп балалы аналар үшін ерекше сыйлық болып отыр. Баршаңызды жаңа қоныстарыңызбен құттықтаймын, мықты денсаулық, ұзақ өмір тілеймін», - деп атап өтті аймақ басшысы.

« 10 жыл бойы біз пәтер жалдап, ары-бері көшумен болдық. Енді көптен күткен екі бөлмелі пәтерге қол жеткізіп отырмыз. Қуанышымды сөзбен айтып жеткізе алмаймын. Бұл үшін рахметімді білдіргім келеді»,- дейді Жансая Әбдірайымова. Бұл күні алты баланың анасы Ғалия Шегеева да қоныс тойын атап өтті. Ол да отбасының, балаларының жүрекжарды қуанышын айтып, ағынан жарылды.

Қала әкімдігінің мәліметінше, «Нұрлы жер» бағдарламасы аясында ағымдағы жылы 29 көпқабатты тұрғын үйдің құрылысы жүргізілуде. 2025 жылға дейін жаңа тұрғын үй алабында барлығы 181 көп пәтерлі және 255 жеке тұрғын үй салу жоспарлануда.

Айта кету керек, «Бақытты отбасы» бағдарламасы аясында өткен жылы облыс бойынша 323 пәтер берілген-ді. Сонымен қатар, «Қарасу» шағынауданында көп балалы отбасыларға арналған 4 көп қабатты әлеуметтік жатақхана салынған болатын. «Арай» шағынауданында тағы сондай төрт жатақхананың құрылысы жүргізілуде.

Қазіргі уақытта тұрғын үй кезегінде шамамен 19 мың адам тұр. Оның 2 мыңға жуығы көпбалалы отбасы.



Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT