+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Таразда «Жамбыл – менің жай атым, халық - менің шын атым» атты республикалық айтыс өтуде

2021 жылғы 26 ақпан 14:07
Бөлісіңіз:
Таразда «Жамбыл – менің жай атым, халық - менің шын атым» атты республикалық айтыс өтуде

ТАРАЗ. ҚазАқпарат – Таразда жыр алыбы – Жамбыл Жабаевтің 175 жылдық мерейтойына орай республикалық айтыс басталды, деп хабарлайды ҚазАқпарат тілшісі.

Ұқсас жаңалықтар
Өзбекәлі Жәнібековтен қалған істі жалғастыру біздің буынға бұйырыпты - Нұрболат Ахметжанов Тараз тұрғынының сөмкесінен бір келіден астам героин табылды Қазақстан мен Испания мамандары бірігіп фильм түсіріп жатыр

Бұл күнгі шаралар таңертеңмен ақынның Тараздағы ескерткішіне гүл шоқтарын қою рәсімінен басталды. Оған облыс әкімі, қоғам қайраткерлері, зиялы қауым өкілдері мен мәдениет саласының майталмандары қатысты.

Бұдан соң «Баласағұн» орталық концерт залында «Жамбыл – менің жай атым, халық – менің шын атым» атты республикалық айтыс басталды. Сөз барымтасына барлығы еліміздің әр өңірінен 20 ақын 10 жұп бойынша қатысуда. Сөз сайыс онлайн форматта өтуде.

Алғашқы жұп болып жамбылдық Айтмұханбет Исақов пен қостанайлық айтыс ақтаңгері Айбек Қалиев шаппа-шапқа түсті.

Айтысты ақын, еліміздің Еңбек сіңірген қайраткері, «Парасат» орденінің иегері Жүрсін Ерман жүргізуде. Қазылар қатарындағы Қазақстанның халық әртісі Асанәлі Әшімов, Мемлекет және қоғам қайраткері Мырзатай Жолдасбеков, әнші-композитор, Қазақстанның халық әртісі Алтынбек Қоразбаев, Қазақстанның еңбек сіңірген қайраткері Ғалым Жайлыбай бар. Сондай-ақ айтыскер ақын, ҚР Мәдениет саласының үздігі Бауыржан Халиолла, журналист, облыстық «Ақ жол» газетінің бас редакторы Оралхан Дәуіт және айтыскер ақын, ҚР Мәдениет саласының үздігі Ахметжан Өзбеков сөз сайысқа баға беруде.

«Биылғы жылы алдымызда бірқатар міндеттер тұр. Оның бастысы ел Тәуелсіздігінің 30 жылдығы мен жыр алыбы Жамбыл Жабаевтың 175 жылдығын жоғары деңгейде атап өту. Аса көрнекті тұлғалардың мерейтойлары мен атаулы күндер – азаматтардың ұлттық және тарихи өзіндік санасының дамуына елеулі ықпал ететін қоғамның мәдени өмірінің маңызды бөлігі»,- деді oблыстық Мәдениет, архивтер және құжаттама басқармасы басшысының орынбасары Сара Мадиева.


Біздің каналымызға жазылыңыз:

Бөлісіңіз:

Автор:

Сая Сембай

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT