15:52, 08 Қараша 2019 | GMT +6
ТАРМПУ-лық 100 студентке арнайы шәкіртақы тағайындалатын болды
НҰР-СҰЛТАН. ҚазАқпарат – Тараз мемлекеттік педагогикалық университетінде 100 студентке арнайы шәкіртақы тағайындалады. Бұл жайында ҚР Білім және ғылым министрлігінің EDU NEWS Telegram парақшасында жазылды, деп хабарлады ҚазАқпарат.
«Тараз мемлекеттік педагогикалық университетінде студент-педагогтарды ынталандырудың жаңа жүйесі ретінде 100 студентке олардың мәртебесіне қарамастан (грант алушы немесе келісімшарт негізінде) айына 10 АЕК мөлшерінде арнайы шәкіртақы тағайындау белгіленді», - делінген хабарламада.
Егер студенттің GPA деңгейі жоғары болса, қоғамдық өмірге белсенді араласса және мұғалім болуға ықыласы мен ұмтылысы зор болса, онда әрбір студенттің жоғарыда аталған шәкіртақыны иеленуіне толық мүмкіндігі бар.