USD 434.34 EUR 491.93
RUB 5.56 CNY 68.67
Jańalyqtar

Тәуелсіздік алғалы ауыл шаруашылығы саласы қандай жетістіктерге жетті

2021 жылғы 8 желтоқсан 13:11
Бөлісіңіз:
Тәуелсіздік алғалы ауыл шаруашылығы саласы қандай жетістіктерге жетті

НҰР-СҰЛТАН. ҚазАқпарат – Еліміз Тәуелсіздік алғалы 30 жылдың ішінде ауыл шаруашылығы қандай жетістіктерге жетті? Және бүгінде аталған сала қалай дамып жатыр? Осы мәселеге қатысты «Ауыл» партиясының төрағасы, ҚР Парламенті Сенатының депутаты Әли Бектаев пікір білдірді, деп хабарлайды ҚазАқпарат тілшісі.

Ұқсас жаңалықтар
Сарыағашта қырыққабат егу жұмыстары басталды Қажет болса ауыл шаруашылығы өнімдерін сыртқа сатуға шектеу қою керек – Премьер-Министр Субсидиялаудың ақпараттық жүйесі Ақмола облысында ілкі режимде іске қосылады - Қарашөкеев

«Тәуелсіздік алғалы еліміз айтулы жетістіктерге жетті. Оның ішінде ауыл шаруашылығы да бар. Осы орайда бүгін 30 жыл ішінде еліміздің ауыл шаруашылығы саласында жеткен жетістіктерді бір саралағымыз келіп отыр. Өздеріңіз білесіздер, ауыл шаруашылығы сынға көп ұшырайтын саланың бірі. Себебі оның дамуы адами фактордан бөлек, климаттық жағдаймен де байланысты. Тез шешім қабылдау мен жылдам әрекет етуді талап ететін сала. Өйткені, кейбір ауыл шаруашылық өнімдері ұзақ уақыт күтпей, бұзылып немесе маңызын тез жоғалтады. Ол өнімдерді нарыққа шығарудың да өзіндік қиындықтары бар. Дегенмен сондай қиын кедергілерге қарамастан бүгінде Қазақстанның ауыл шаруашылығы тиісті деңгейде дамып жатыр және ауыз толтырып айтатын жетістіктер жеткілікті», - деді Әли Бектаев.

Сондай-ақ, партия басшысы Тәуелсіздік алғалы 30 жылдың ішінде ауыл шаруашылығындағы басты жетістіктерді атап берді.

«Алдымен агроөнеркәсіп және агрокешен бойынша заңнаманы қалыптастырдық. Бүгінде заң жағынан кінәрат жоқ, халықаралық талаптарға толық сәйкес келеді. Ал ол оның тиісті деңгейде орындалуы бөлек мәселе. Екінші ірі жетістік, мал шаруашылығына қатысты. Атап айтқанда, отандық мал тұқымын тазаладық. Біздегі ірі, ұсақ болсын малдың тұқымы таза. Сондықтан да алыс-жақын шетелден Қазақстанның малына деген сұраныс жоғары. Ауыл шаруашылығы саласындағы үшінші жетістік, 2003-2005 жылдары ҚР Тұңғыш Президенті, Елбасы Нұрсұлтан Назарбаевтың бастамасымен елімізде «Ауыл жылы» аталып өтілді. 3 жылдық ауылды дамыту мемлекеттік бағдарламасының негізінде көптеген ауылға айтарлықтай жан бітті. Оның ішінде инфрақұрылым, жұмыс, тұрғын үй, мектеп, аурухана және ауыл әлеуеті дами түсті», - дейді ол.

Сенат депутатының айтуынша, ауыл мен ауыл шаруашылығын дамыту бағытындағы жұмыс жалғасын табады.

«Бүгінде «Ауыл - ел бесігі» жобасы іске асып жатыр. Одан бөлек, ауыл шаруашылығын ілгерілетуге арналған ұлттық жоба бар», - деді Ә. Бектаев.

Айта кетсек, бүгін елордада «Тәуелсіздік және Қазақстанның агроөнеркәсіп кешенінің дамуы» тақырыбында конференция өтіп жатыр.

Республикалық конференция Тәуелсіздігінің 30 жылдығына арналып, «30 игі іс» акциясының аясында ұйымдастырылып отыр. Және оған Сенат депутаттары, құзырлы мемлекетік орган өкілдері мен ауыл шаруашылығы саласы мамандары қатысып жатыр.

Аталған шара «Ауыл» партиясының ұйытқы болуымен ұйымдастырылды.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT