13:21, 21 Қыркүйек 2021 | GMT +6

«Тәуелсіздік және Елбасы: жасампаздықтың жаңа тарихы» атты конференция өтеді

НҰР-СҰЛТАН. ҚазАқпарат - 22 қыркүйек күні, сағат 11.00-де Елбасы кітапханасында мемлекет тәуелсіздігінің 30 жылдығына мен Қазақстан Республикасы ұлттық архивінің 15 жылдығына арналған «Тәуелсіздік және Елбасы: жасампаздықтың жаңа тарихы» халықаралық ғылыми-практикалық конференциясы өтеді.

Іс-шараны Қазақстан Республикасының Тұңғыш Президенті – Елбасы кітапханасы мен ҚР Ұлттық архиві ұйымдастырмақ.

Конференцияға Елбасы кітапханасының директоры Б.Б. Темірболат , ҚР Мәдениет және спорт вице-министрі Ғ.Р. Әбдірахымов , Түркия Республикасы Президенті жанындағы Мемлекеттік архивтің директоры Угур Юнал , БАӘ Ұлттық архивінің бас директоры Абдулла Аль-Райси , Қырғыз Республикасы Орталық мемлекеттік архивінің директоры Ж.Д. Бечеков , Халықаралық Түркі академиясының президенті, «Егемен Қазақстан» республикалық газеті»АҚ басқарма төрағасы Д.Қ. Қыдырәлі , Л.Н. Гумилёв атындағы ЕҰУ ректоры Е.Б. Сыдықов , Қазақстанның жаңа тарихын зерттейтін ғалымдар мен сарапшылар қатысады.

Конференция барысында Қазақстан Республикасының Тұңғыш Президенті – Елбасы кеңсесінің басшысы М.Б. Қасымбековтың құттықтау сөзі оқылмақ.

БАҚ өкілдері аккредитациядан өтуі тиіс.

Оған қажетті мәліметті 21.09.21 күнгі сағ. 16.00-ге дейін [email protected] электрондық поштасына жіберген жөн.

Байланыс нөмірлері: + 7 (7172) 69-30-56, 69-30-57.

Тегтер:

Нұрсұлтан Назарбаев Жаңалықтар анонсы Тәуелсіздіктің 30 жылдығы

Соңғы жаңалықтар

Одан да көп жаңалықтар біздің Телеграм-арнамызда!