USD 436.29 EUR 492.83
RUB 5.92 CNY 68.48
Jańalyqtar

Тәуелсіздік жылдары Ақмола облысында 239 жоба жүзеге асырылды

2021 жылғы 25 қараша 14:18
Бөлісіңіз:
Тәуелсіздік жылдары Ақмола облысында 239 жоба жүзеге асырылды

КӨКШЕТАУ. ҚазАқпарат - Тәуелсіздіктің 30 жылы ішінде Ақмола облысының индустриялық секторы орасан зор серпіліс жасады, 35 ірі және орта өнеркәсіптік кәсіпорындар құрылды, олардың арасында халықаралық стандарттарға сәйкес келетін жаңа заманауи жоғары технологиялық зауыттар мен фабрикалар бар, деп хабарлайды ҚазАқпарат тілшісі облыстық ішкі саясат басқармасына сілтеме жасап.

Ұқсас жаңалықтар
Елордада «Елім деп соққан жүрегім» атты концерт өтті Парижде Абайға ескерткіш-бюст орнатылды Тәуелсіздік құрдасы: Ақмолалық тұрғын киім тігіп, бизнесін дамытуда

Ведомствоның мәліметінше, 1991 жылдан бастап Тауарлық өнім өндірісі 100 еседен астам өсті, 30 жыл бұрын өңдеу саласының үлесі 60 пайызды құрады, ал бүгінгі күні 80 пайыздан асады. Жыл сайын мемлекеттік бағдарламаның арқасында инвестиция көлемі артып, жаңа жұмыс орындары ашылуда.

Кәсіпкерлік және өнеркәсіп басқармасының басшысы Ербол Оспановтың айтуынша, индустриялық сектор өңір экономикасын дамытудың басым бағыттарының бірі саналады.

«Инвестициялар көлемінің өсуіне негізінен инвестициялық жобаларды іске асыру ықпал етеді. Тәуелсіздік жылдары өнеркәсіпте 530,3 миллиард теңгеге 239 жоба іске асырылды, 13,3 мың жаңа жұмыс орны құрылды, оның ішінде 103 жоба индустриялық-инновациялық дамудың мемлекеттік бағдарламасы аясында», - деп бөлісті ведомство басшысы.

Өңірдегі маңызды жобалардың бірі Степногор қаласында қуаттылығы жылына 180 мың тоннаға дейінгі күкірт қышқылы зауытын реконструкциялау, Целиноград ауданында өндіру қуаты жылына 20 мың тоннаға дейінгі бройлер құс фабрикасы, қуаты 4,1 тоннаға дейінгі Ақсу, Бестөбе және Жолымбет кеніштеріндегі алтын өндіру фабрикалары болды.

Бүгінде Мемлекеттік бағдарламалар аясында жобаларды іске асырудың арқасында облыста полипропиленнен жасалған қаптама ыдыс, соя майы, тау-кен өндіру, қорғаныс және авиация өнеркәсібіне, теміржол көлігіне, мұнай-газ кешеніне арналған құйма бұйымдар, халық тұтынатын тауарлар, ауыл шаруашылығы техникасы тәрізді тауарлардың өндірісі игерілді.

Айта кетейік, облыста ағымдағы жылы жалпы инвестиция сомасы 22 миллиард теңгеге 22 индустриялық жобаны іске қосу жоспарлануда, бұл 400 мыңнан астам жаңа жұмыс орындарын құруға мүмкіндік береді. Қазірдің өзінде 12 жоба пайдалануға беріліп, 968 жаңа жұмыс орны ашылды.

Олардың ішінде ең ірілері: Степногор қаласында өнімділігі жылына 5 миллион тонна алтын өндіру фабрикаларының құрылысы, Көкшетау қаласында ауыл шаруашылығы техникасының өндірісін кеңейту.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT