16:13, 27 Ақпан 2021 | GMT +6
Теннис: Александр Недовесов жұптық сында Нұр-Сұлтан турнирінің жеңімпазы атанды
НҰР-СҰЛТАН. ҚазАқпарат - Қазақстандық Александр Недовесов украиналық Денис Молчановпен бірге жұптық сында Нұр-Сұлтан челленджер турнирінің жеңімпазы атанды, деп хабарлайды ҚазАқпарат тілшісі.
Осы жарыстың 1-ракеткалары болып тіркелген қазақстандық-украиналық жұп финалда америкалықтар Натан Паша - Макс Шнурмен кездесті.
Бірінші партияда А.Недовесов пен Д.Молчанов 6:4 есебімен басым түсті.
Екінші сетте де осы есеп тіркелді - 6:4.
Бәсеке 1 сағат 9 минутқа созылды.
Еске сала кетейік, бұдан бұрын А.Недовесовтің жұптық сында Нұр-Сұлтан турнирінің финалына шыққанын, А.Бубликтің Сингапур жарысының жартылай финалына өткенін жазған болатынбыз.