Теннис: Кукушкин «Кремль кубогы» жарысын жеңіспен бастады

Әлемнің 58-ракеткасы М.Кукушкин алғашқы айналымда дүниежүзілік рейтингте 113-орында тұрған ресейлік Евгений Донскоймен күш сынасты.

Бірінші партияны қазақстандық теннисші 6:4 есебімен ұтты.

Екінші сетте есеп 3:2 болған мезетте М.Кукушкин брейк жасап, алға шықты – 4:2. Ақыры осы басымдылығын пайдалана білді – 6:3.

Бәсеке 1 сағат 16 минутқа созылды.

М.Кукушкин ширек финалға шығу үшін осы доданың жетінші, әлемнің 44-ракеткасы, «Кремль кубогының» өткен жылғы финалисі, франциялық Адриан Маннариномен таласады.

Жүлде қоры 1 млн АҚШ долларына жуықтайтын «Кремль кубогы» додасы 20 қазан күні мәреге жетеді.

Бүгін сондай-ақ Александр Бублик Мәскеуде тағы бір ресейлік Андрей Рублевпен кортқа шығады.

Еске сала кетейік, бұдан бұрын А.Бублик пен М.Кукушкиннің жұптық сында «Кремль кубогының» ширек финалына шыққанын жазған болатынбыз.