Теннис: Недовесов жұптық сында Братислава турнирінің жартылай финалына шықты
Қазақстандық теннисші украиналық Денис Молчановпен бірге ширек финалда швейцариялық Лука Маргароли - үндістандық Шрирамбала Нараянасвамимен шеберлік байқасты.
Бірінш партияда швейцариялық-үндістандық жұп 6:2 есебімен басым түсті.
Екінші сетте А.Недовесов пен Д.Молчанов есе қайырды - 7:5.
Қазақстандық-украиналық жұп супер тай-брейкте жеңісті жұлып алды - 10:8.
Тартысты бәсеке 1 сағат 44 минутқа созылды.
Тағы бір қазақстандық Дмитрий Попко мысырлық Мохамед Савфатпен бірге жұптық сында Алматы челленджер турнирінің жартылай финалына өте алмай қалды. Олар чилилік Томас Барриос - италиялық Риккардо Бонадиоға есе жіберді.
Еске сала кетейік, бұдан бұрын қазақстандық теннисшінің Словакиядағы турнирдің ширек финалына шыққанын жазған болатынбыз.
Сондай-ақ бүгін қазақстандық жұп тұңғыш рет Ролан Гаррос турнирінің финалына шықты.