Түркістан облысында сыбайлас жемқорлыққа қарсы онлайн жиын өтті
Конференция жұмысында «Саналы ұрпақ - сыбайлас жемқорлыққа қарсы мәдениеттің бастауы» мен «Білім саласында сапаны қамтамасыз ету, сыбайлас жемқорлықтың алдын алудың жолы», «Сыбайлас жемқорлыққа қарсы мәдениет: парасат және комплаенс» пен «Білім саласындағы сыбайлас жемқорлықтың алдын алу мәселелері» талқыланды.
Облыстық адами әлеуетті дамыту басқармасының басшысы Рақымбек Жолаев ТжКБ және орта білім беру жүйесінде сыбайлас жемқорлықтың алдын алу мен «Адал ұрпақ», «Саналы ұрпақ» клубтарының қызметіне тоқталып өтті.
Сыбайлас жемқорлыққа қарсы мәдениетті қалыптастыру мақсатында Түркістан облысының 62 колледжінде «Саналы ұрпақ» клубы құрылып, аталған клуб мүшелігіне 2848 білім алушы енгенін баяндады.
Клуб жұмысындағы басым бағыттарды іске асыру үшін ата-аналар арасында сауалнамалар жүргізіліп, осы бағытта колледж оқытушыларның қызметін бағалау жұмыстарын жүргізу бойынша студенттер арасында анонимді сауалнамалар жүргізіліп жатқанын жеткізді.
«Адалдықты мұра еткен Ұлы Абай» тақырыптарында видеороликтер түсірілгенін атап өтті.
Жиында сондай-ақ, жастар арасында сыбайлас жемқорлыққа қарсы мәдениетті қалыптастыру мақсатында «Жемқорлықсыз әлем!» тақырыбындағы сурет көрмелері, «Парасат мектебі» мүшелерінің «Сыбайлас жемқорлыққа жол жоқ!» атты сурет battle байқауы өткені сөз болды.
Онлайн конференция соңында кәсіптік-техникалық білім ұйымдарының басшылары мен қала аудандардағы адами әлеуетті дамыту бөлімдерінің басшылары, «Саналы ұрпақ» жобалық кеңсесінің жетекшілері мен студенттік клуб белсенділері және «Түркістан – адалдық алаңы» өкілдері келелі кеңес, пайымды ой пікірін бөлісті.