Түркістан облысындағы эпидемиологиялық ахуал тұрақты

None
None
ТҮРКІСТАН. ҚазАқпарат - Әзірге Түркістан облысындағы эпидемиология ахуал тұрақты, блокпостар қойылмайды. Бұл туралы Өңірлік коммуникациялар қызметінде өткен брифингте облыстың бас санититариялық дәрігері Нұрбек Нышанов айтты, деп хабарлайды ҚазАқпарат тілшісі.

Оның айтуынша, Түркістан облысында жеке азаматтардың той-мерекелерді атап өтуі толастар емес. Сондықтан пандемия уақытында облыс тұрғындарын жалпыға ортақ тәртіпті сақтауға шақырды.

«Жаңадан қабылданған қаулыға сәйкес, 3 қарашадан бастап облыс аумағындағы мал базарлары санитариялық-дезинфекциялық режимді күшейтіп, 30%-дан асырмай толтырумен, аптаның жұмыс күндері жұмыс істеуіне рұқсат етілді. Түркістан облысы бойынша 31 мал базар бар. Олардың ішінде қазіргі таңда 3 жабық (ЖК «Нұрсұлтан», ПК «Султан», «Алжан-Агро» ЖШС). «Infokazakhstan» сайтына мал базарлардан ашылуға 16 өтініш түсті, оның 7 қаралып, 4 - жұмыс істеуге рұқсат берілді (Қазығұрт, Ордабасы, Келес, Төлеби), 3 - қайтарылды, 9- қаралуда», - деді облыстың бас санититариялық дәрігері

Мал базарлардың қызметіне тыйым салынған кезінде Түлкібас ауданы, Машат ауылында орналасқан «Ет өнімдері KZ» ЖШС-не қарасты мал базары ағымдағы жылдың 7 және 21-қазан күндері карантин талаптарын бұзғаны үшін заңды тұлғаға 230 АЕК көлемінде 2 айыппұл салынған.


Соңғы жаңалықтар