+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Түркістан облысының құрылғанына 3 жыл толды

2021 жылғы 21 маусым 07:33
Бөлісіңіз:
Түркістан облысының құрылғанына 3 жыл толды

ТҮРКІСТАН. ҚазАқпарат - Түркістан облысының құрылғанына 3 жыл толуына арналған «Жаңарған Түркістан» салтанатты концерті өтті, деп хабарлайды ҚазАқпарат.

Конгресс холл концерт залында өткен мерекелік кешке қатысқан облыс әкімі Өмірзақ Шөкеев барша қазақстандықтарды құттықтады.

«Сіздерді Түркістан облысының құрылғанына 3 жыл толуымен құттықтаймын. Түркістан – күллі Алаштың текті төрі, қазақтың шежірелі шаһары және түркітілдес халықтардың рухани астанасы. Сондықтан бұл мереке – барша қазаққа ортақ. Осыдан тура үш жыл бұрын еліміздің Тұңғыш Президенті, Елбасы Нұрсұлтан Назарбаев Түркістан облысын құру туралы Жарлыққа қол қойды. Түркістан қаласы облыс орталығы мәртебесін иемденіп, дамудың жаңа сатысына көшті. Міне, осы 3 жылдың ішінде өңірде ауқымды жұмыстар атқарылды. Түркістан қаласын дамытудың бірінші кезеңі аяқталып, өңірді дамытудың екінші кезеңі басталды. 5 жылға Кешенді жоспар құрылып, атқарылар істер айқындалды. Қазақстанымыз бен Түркістанымыз мәңгі жасай берсін!»,- деді Түркістан облысының әкімі Өмірзақ Шөкеев.

Мерекелік шарада облыс әкімі өңірдің дамуы мен қалыптасуына сүбелі үлес қосып, еңбегі сіңген азаматтарды марапаттады.

Кеш қонағы, халықаралық «Voice of Turan», қазақ әндері ән байқауының лауреаты Беларусиядан келген жас әнші Дарья Хмельницкая С.Бәйтерековтың «Әлия» әнін шырқады.

Елордадан келген «NOMAD» этно-фольклорлық ансамблі , Қазығұрт ауданынан келген «Балауса» би ансамблі, «Дарын» жастар сыйлығының иегері, Нұр-Сұлтан қаласындағы Мемлекеттік академиялық филармониясының солисі Азамат Жылтыргөзов, белгілі әнші Мадина Сәдуақасова өнер көрсетті.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT