+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Түрмелерде қызмет ететін имамдарға жалақы тағайындау ұсынылды

2019 жылғы 6 қараша 11:01
Бөлісіңіз:
Түрмелерде қызмет ететін имамдарға жалақы тағайындау ұсынылды

НҰР-СҰЛТАН. ҚазАқпарат – Қазақстан мұсылмандары Діни басқармасының төрағасы, Бас мүфти Серікбай қажы Ораз имамдардың тынымсыз қызметін ескеріп, оларға әлеуметтік тұрғыдан қолдау көрсету керектігін айтып өтті, деп хабарлайды ҚазАқпарат тілшісі.

Ұқсас жаңалықтар
Бакудегі дін лидерлері саммитіне қазақстандық делегация қатысуда Қазақстанның Бас мүфтиі Баку саммитіне қатысуда Дінде шектен шығушылық жоқ - дінтанушы

«ҚМДБ өзінің күнделікті сан-салалы қызметі барысында басты 4 бағыт бойынша жұмысының бірі ретінде деструктивті ағымдағы азаматтарға түсіндіру жұмыстарын жүргізеді. Оңалту жұмыстарына қатысты тағы бір тәсіл – тарихпен тәрбиелеу. Тарих дегеніміз адамзаттың қоғамдық жады, өзін-өзін тануы, өткен өмірдің санада жаңғыруы. Ғұламалар «Адам рухы оятқың келсе, оның тарихын оят» дейді. Діни басқарма «Дін және тарихи тағылым» игі бастамасын одан ары жандандырып, жамағатты тарихтан алар сабақтармен сусындатып, салт пен тарихи санаға, әдет пен ғұрыпқа шекеден қарап, теріс көзқарасқа алданған діни ағымдар үшін арнайы жобаны қолға алды. Мақсатымыз – деструктивті діни ағымдардың тарихи әрі киелі жерлерге де сапарларын ұйымдастырып, тарихи санасын жаңғырту», - деді Бас мүфти Серікбай қажы Ораз Қазақстан Дінтанушыларының ХІ форумында.

Оның айтуынша, салтты сақтауп, дәстүрлі діннің құндылықтарды дәріптеу керек.

«Осы ретте бірнеше ұсынысты ортаға салайын: біріншіден, «Тарих және діни сана» жобасын бірлесіп, жүзеге асыруды ұсынамын. Тарихи нысандар мен орындарға жасалатын жоспарлы сапар жамағаттың танымын, көкжиегін кеңейтіп, интеллектуалдық деңгейін арттырады. Бұл ретте сыртқы елдердің де тәжірибесін де алуға болады. Екіншіден, қоғамның ағартушы тобына жататын имамдардың тынымсыз қызметін ескеріп, оларға да әлеуметтік тұрғыдан қолдау жасалса деген ұсынысымыз бар. Әсіресе, 100-ге жуық еліміздегі түзеу мекемелерінде жұмыс жасайтын дін қызметкерлеріне тұрақты жалақы тағайындалса дейміз. Бұл дін қызметкеріне көрсетілген құрмет пен әділ баға болар еді», - деді ол.

Бас мүфти сонымен қатар, Ақсақалдар институтының рөлін күшейту мәселесін көтерді.

«Өйткені, біз қарияның сөзіне қарсы шықпаған халықпыз. Бұл санаға сіңген салтымыз. «Қой» дейтін қожа бола білген қаншама қарияларымыз жат ағымға кеткен жастарға насихатын айтып, тәрбиесін түзеп келеді. Осы бағытта облыстық мешіт жанындағы Ақсақалдар алқасы мен аудан, ауылдардағы Билер кеңесі үлкен құрал бола алады деп ойлаймын», - деді ол.

Еске сала кетсек, елордада бүгін Қазақстан Дінтанушыларының ХІ форумы өтіп жатыр.

Біздің каналымызға жазылыңыз:

Басты сөздер: Дін,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT