12:24, 23 Қаңтар 2020 | GMT +6
ҰБТ: ШҚО-да 65 оқушыдан тыйым салынған заттар анықталған
ӨСКЕМЕН. ҚазАқпарат - Шығыс Қазақстан облысында ҰБТ-ның алғашқы кезеңінде 65 оқушыдан тыйым салынған заттар анықталған, деп хабарлайды ҚазАқпарат.
ШҚО-да Ұлттық бірыңғай тестілеудің алғашқы кезеңі 16-19 қаңтар аралығында Өскемендегі С.Аманжолов атындағы ШҚМУ-да, Семей қаласындағы Шәкәрім мемлекеттік университетінде және аудандардағы 8 мектепте өткізілді. ҰБТ әділ өтуі үшін залдар толықтай бейнекамералармен жабдықталған.
«3 күн ішінде 65 оқушыдан тыйым салынған заттар анықталды. Оның ішінде көпшілігі ұялы телефон, смарт сағат қолданған. Жалпы саны 42 тест тапсырушы залдан шығарылды», деп хабарлады ШҚО Сыбайлас жемқорлыққа қарсы қызметі.
