11:46, 03 Қазан 2019 | GMT +6
Үндістанда автобус өзенге құлап, алты адам қаза тапты
НҰР-СҰЛТАН. ҚазАқпарат – Үндістанда бейсенбіге қараған түні жолаушылар автобусы өзенге құлап, кем дегенде 6 адам көз жұмды, 20-ға жуық адам жарақат алды, деп хабарлайды ҚазАқпарат ANI ақпараттық агенттігіне сілтеме жасап.
Келеңсіз жағдай орталық Мадхья-Прадеш штатының Райсен округінде болған.
Құрбандардың ішінде 2 жасар бала мен екі әйел бар.
Полиция жол-көлік апатының себептерін тергеу ісін бастады. Билік өкілдері қаза тапқандар мен зардап шеккендерге қаржылай көмек көрсетуге уәде берді.