+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Уран өндіруге қатысты заңға өзгерістер енгізілді

2021 жылғы 24 ақпан 13:08
Бөлісіңіз:
Уран өндіруге  қатысты заңға өзгерістер енгізілді

НҰР-СҰЛТАН. ҚазАқпарат – Бүгін Парламент Мәжілісінің жалпы отырысында палата депутаттары жер қойнауын пайдалану мәселелері бойынша құжатқа Сенат енгізген толықтырумен келісті, деп хабарлайды ҚазАқпарат.

Атап айтқанда, 2020 жылдың 23 желтоқсанында Парламент Мәжілісі «Жер қойнауы және жер қойнауын пайдалану туралы» Қазақстан Республикасының Кодексіне уран өндіру мәселелері бойынша өзгерістер мен толықтырулар енгізу туралы» заң жобасын екінші оқылымда мақұлдаған болатын.

Биылғы 17 ақпанда Сенаттың жалпы отырысында «аталған заң жобасы екі оқылымда қаралды. Құжатқа толықтыру енгізілгендіктен, заң жобасы Мәжіліске қайтарылды.

Заң жобасы Сенат комитеттің кеңейтілген отырысында екінші оқылымда қаралды. Құжат еліміздегі уран өндіру саласын құқықтық реттеуді жетілдіруге бағытталған. Мемлекет басшысының биылғы 26 қаңтарда Үкіметтің кеңейтілген отырысында мемлекеттік және жеке операторларды құруға тыйым салу жөніндегі берген тапсырмасын орындау мақсатында Сенат депутаттары заң жобасының бірінші бабының бесінші тармақшасының 14,15,16,17,18-ші және 19-шы абзацты алып тастауды ұсынды. Үкіметтің биылғы 17 ақпанда келген қорытындысына сәйкес, бұл ұсыныс қолдау тапты. Заң жобасындағы барлық түзетулер уран саласындағы қарым-қатынастарды әрі қарай жетілдіруге бағытталған.

Құжатты бүгін Мәжілістің жалпы отырысында депутат, Экология мәселелері және табиғат пайдалану комитетінің төрағасы Александр Милютин ҚР Парламенті Сенаты енгізген өзгертумен келісуді ұсынды. Заң жобасын қарау кезінде палата депутаттары бұл ұсынысқа қолдау білдірді.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT