Вакцина коронавирустың жаңа штамдарының алдын алуда қаншалықты тиімді
«Вакцинаның тиімділігі жайында сөз қозғағанда ең алдымен оның жұқтыру жағдайларының алдын алудағы тиімділігіне назар аударамыз. Зерттеу жүргізілген кезде тек жұқтыру жағдайлары ғана емес, сонымен бірге ауыр түрлерінің алдын алу, өлім-жітімді болдырмау деректері қаперге алынады», - деді ол Орталық коммуникациялар қызметіндегі баспасөз мәслихаты барысында.
Оның атап өтуінше, қазіргі таңда қолданысқа енгізілген вакциналар, оның ішінде «Astra Zeneca» вакцинасы жұқтырудың жаңа жағдайларының алдын алуда тиімділігі төмен болғанымен адам ағзасын қорғауда жақсы нәтиже көрсетіп отыр.
«Біз қайта жұқтырып алмау үшін ғана вакцинация жасау керек деп отырғанымыз жоқ. Вакцина салдырсақ, вирус жұқтырып алған күннің өзінде аурудың ауыр түрі мен өлім-жітімнің алдын ала аламыз», - деді Бауыржан Жүсіпов.