+7 (701) 759 90 19
USD 419.45 EUR 504.64
RUB 5.68 CNY 64.88
Jańalyqtar

Вице-министр вакцина салынар алдында қандай тексерулер болатындығын айтты

2021 жылғы 27 қаңтар 16:57
Бөлісіңіз:
Вице-министр вакцина салынар алдында қандай тексерулер болатындығын айтты

НҰР-СҰЛТАН. ҚазАқпарат - 2021 жылдың ақпан айынан бастап елімізде халықтың жекелеген топтарын коронавирус инфекциясына қарсы екпе салу кезеңдері басталады. Бұл туралы бүгін ОКҚ-да өткен баспасөз мәслихатында Денсаулық сақтау бірінші вице-министрі Марат Шоранов мәлімдеді, деп хабарлайды ҚазАқпарат тілшісі.

Ұқсас жаңалықтар
Жамбыл облысында екі айда 54 медицина қызметкері коронавирус жұқтырған Ғалымдар коронавирус инфекциясы алдында осал қан тобын анықтады КВИ салдарынан өндірістік көрсеткіштерге түзетулер енгізуге мәжбүр болдық – Нұрлан Ноғаев

Оның айтуынша, бірінші кезекте медицина қызметкерлері, әсіресе жұқпалы аурулар ауруханаларының, жедел медициналық жәрдемнің, сондай – ақ басқа да бейіндегі қызметкерлер; екінші кезеңде педагогтар мен күш құрылымдарының қызметкерлері наурыз айында; үшінші кезеңде, студенттер сәуірден бастаса, мамыр айында вакцина көлемінің жеткілікті болуына қарай халықтың қалған контингенті қамтылады.

Айта кету керек, вакцинация 18 жасқа толмаған балаларға салынбайды.

КВИ-ға қарсы вакцинациялау 6 млн адамды қамти отырып, осы жылдың соңына дейін жалғасады деп жоспарлануда.

Сонымен қатар, бірінші вице-министрдің айтуынша, вакцинациялауға профилактикалық егуге қарсы көрсетілімдері жоқ адамдар жіберіледі.

«Вакцинация жүргізер алдында дене температурасы өлшенеді, эпидемиологиялық анамнезді жинау, сатурацияны, жүрек жиырылуының жиілігін, артериялық қысымды өлшеу, тыныс алу және жүрек-қантамыр жүйесін аускультациялау және жұтқыншақты тексеру шаралары жасалады. Егер температура 37°C-тан асса, вакцинация кейінге қалдырылады», - дейді Марат Шоранов.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT