+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Загребте Қазақстан тәуелсіздігінің 30 жылдығына және елорда күніне арналған дөңгелек үстел өтті

2021 жылғы 25 маусым 00:41
Бөлісіңіз:
Загребте Қазақстан тәуелсіздігінің 30 жылдығына және елорда күніне арналған дөңгелек үстел өтті

НҰР-СҰЛТАН. ҚазАқпарат - Загребте көрнекті қоғам қайраткерлері, Хорватия Білім және ғылым министрлігінің, Хорват-казақ достық қоғамы, дипломатиялық корпус және журналистердің қатысуымен Қазақстан тәуелсіздігінің 30 жылдығына және елорда күніне арналған дөңгелек үстел өтті.

Ұқсас жаңалықтар
Тәуелсіздіктің 30 жылындағы Шығыс Қазақстанның жетістіктері қандай Тәуелсіздіктің 30 жылдығы: ШҚО-да жыл соңына дейін 40-тан астам нысан ашылмақ ШҚО-да Тәуелсіздіктің 30 жылдығы аясында 3 мыңнан астам шара өткізілді

Бұл туралы ҚазАқпарат ҚР Сыртқы істер министрлігінің баспасөз қызметіне сілтеме жасап хабарлайды.

Елші Төлежан Барлыбаев Қазақстанның соңғы үш онжылдықтағы мемлекеттік құрылыстағы тарихи серпілісінің, әртараптандырылған нарықтық экономиканы құрудың, қоғамдық келісім мен ұлттық бірліктің ерекше үлгісі қалыптасуының басты кезеңдерін атап өтті.

Тұңғыш Президент – Елбасы Нұрсұлтан Назарбаевтың заманауи Қазақстанды құруға қосқан елеулі үлесі, сондай-ақ мемлекеттік реформаларды ілгерілету және әлеуметтік тәртіпті жаңарту жөніндегі Қазақстан Республикасы көшбасшылығы бағытының сабақтастығы атап өтілді.

Хорватияның экс-президенті, көрнекті қоғам қайраткері Иво Йосипович өзінің Қазақстанға сапарлары туралы жылы лебіздерімен бөлісті. Ол тәуелсіздіктің таңындағы ең маңызды стратегиялық қадам – ​​Нұрсұлтан Назарбаевтың Семей ядролық сынақ полигонын жабу және өз еркімен ядролық қарудан бас тарту туралы шешімі екенін айтты.

Оның сөзінше, бұл Қазақстанның халықаралық беделінің өсуін және көпжақты дипломатия орталығы мен беделді диалог алаңы ретіндегі рөлінің күшеюін қамтамасыз етті, оның астанасында ЕҚЫҰ, ИЫҰ, ШЫҰ, АӨСШК және басқа да халықаралық ұйымдардың саммиттері, Сириядағы қақтығысты реттеу бойынша халықаралық келіссөздер, әлемдік және дәстүрлі діндер лидерлерінің съездері және басқа да форумдар сәтті өткізілді.

Хорватия–Қазақстан достық қоғамының төрағасы Андрия Карафилипипович Қазақстан басшылығының «Халық үніне құлақ асатын мемлекет» тұжырымдамасын және әлеуметтік-бағдарлы саясатты дамыту бағытына оң баға берді. Президент Қасым-Жомарт Тоқаевтың адам құқықтарын қорғау және нығайту саласындағы жаңашылдықтары Қазақстанды гуманитарлық өлшем бойынша өңірлік көшбасшы ететіні баса айтылды. Сондай-ақ Қазақстанның этносаралық және конфессияаралық келісімді нығайту саласындағы табысты тәжірибесі ерекше атап өтілді.

Дөңгелек үстел барысында Ресей мен Әзербайжан елшілері, Хорватия Білім және ғылым министрлігінің өкілдері, Достық қоғамының мүшелері сөз сөйледі. Дөңгелек үстелге қатысушылар Қазақстанның жас астанасының құрылыс тарихы туралы фотокөрмемен танысты, сонымен қатар оларға хорват тілінде басылып шыққан Нұрсұлтан Назарбаевтың «Тәуелсіздік дәуірі» кітабы, Абайдың шығармалары мен Хорват тілінде шыққан әл-Фарабидің қызметі туралы монография сыйға тартылды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT