+7 (701) 759 90 19
USD 414.77 EUR 506.81
RUB 5.64 CNY 64.32
Jańalyqtar

Жамбыл облысында алты балалы отбасыға ауылдастары асарлатып үй салып берді

2021 жылғы 10 қаңтар 22:00
Бөлісіңіз:
Жамбыл облысында алты балалы отбасыға ауылдастары асарлатып үй салып берді

ТАРАЗ. ҚазАқпарат – Жамбыл облысы Қызылшарық ауылындағы көпбалалы отбасы қоныс тойын тойлады,- деп хабарлайды ҚазАқпарат тілшісі.

Ұқсас жаңалықтар
Түркістан облысында жеті жылдан бері салынып жатқан жерасты жолы қыркүйекте аяқталады Түркістан облысында биыл 608,7 шақырым жол салынады «Елорда жастары» бағдарламасы қай санаттағы жастарға арналған

Жамбыл ауданында «Асарлатып үй салу» жобасы аясында 14 мұқтаж отбасы баспаналы болды.

Бұл жолғы баспананы Бақытжан Абдуллаевтың отбасы алды. Ол жұбайы екеуі алты бала тәрбиелеп отыр. Төрт бөлмелі кең үйдің құрылысына ауыл тұрғындары мен жергілікті кәсіпкерлер 12 миллион теңге жұмсаған. Барлық қажетті инженерлік желілер тартылып, ауласы асфальттанған.

«Мен облыс бойынша 100-ден астам отбасы жаңа үйлі болғанынан хабардармын. Таңдау отбасыма түскенін естігенде, қуаныштан төбем көкке жетті. Мен аудан басшылығына, ауылдастарыма шын жүректен ризашылығымды білдіргім келеді. Сіздердің игі істеріңіз үшін жүз есе сауаптан жазсын», - деп Бақытжан Абдуллаев ағынан жарылып, әсерімен бөлісті.

«Қазақта асар дәстүрі әу бастан болған десек, ол кезде де барлығы жұмылып, мұқтаж ауылдастарына қол ұшын беріп отырған. Облыс әкімі Бердібек Сапарбаевтың бастамасымен қолға алынған жоба тұрғын үйге мұқтаж отбасылар үшін үлкен демеу болуда. Игі шара міндетті түрде жалғасатын болады. Бұл біздің халқымыздың жанашырлығы мен қамқорлығының жарқын көрінісі», - деп атап өтті аудан әкімі Сәкен Арубаев.


Біздің каналымызға жазылыңыз:

Бөлісіңіз:

Автор:

Сая Сембай

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT