Жамбыл облысында қызметтік ит 38 жастағы әйелдің сарайынан есірткі тапты

ТАРАЗ. ҚазАқпарат – Жамбылдық полицейлер есірткі заттарының таралуына тосқауыл қойды, деп хабарлайды ҚазАқпарат тілшісі.

Ұқсас жаңалықтар

Алматыда сүйіктісін өлтірген тұрғын 10 жылға сотталды

Түрмеде отырып, қылмыстық топ құрған: БҚО-да есірткі сатушылар сотталды Таразда жастар арасындағы қылмыспен күрес мәселесі қаралды Астаналық тұрғын танысының банк картасынан 2 млн теңге ұрлап кетті

«Допинг» республикалық жедел-іздестіру шаралары аясында Жамбыл облысы Полиция департаменті Есірткі қылмысына қарсы іс-қимыл басқармасының қызметкерлері Шу ауданының тұрғыны - 38 жастағы әйелді ұстады.

Тексеру барысында «Бони» атты қызметтік ит оның тұрғын үйінің аумағында орналасқан сарайдан жалпы салмағы 2 келіден асатын өсімдік тектес затты тапты. Тәркіленген заттың есірткі екені анықталып, сараптамаға жіберілді.

«Ұсталған азаматша кінәсін мойындады. Аталған дерекке қатысты Қазақстан Республикасы Қылмыстық кодексінің 296-бабы 4-бөлігі (аса ірі мөлшерде есірткі заттарын заңсыз сақтау) бойынша сотқа дейінгі тергеу амалдары басталды. Мұндай қылмыс жасағаны үшін 3 жылдан 7 жылға дейінгі мерзімге бас бостандығынан айыру жазасы қарастырылады», - делінген облыстық Полиция департаменті баспасөз қызетінің хабарламасында.